Genesisi 1:28 - Bhiblia Yo Sawuleka

²⁸ Se Txizimu txi to va katekisa, txi va gela ku kha txona: “Velekelani, mi txi anda, mi tala ha mafuni, mi txi ma fuma; fumelani sihaka sa linene, ni sinyana sa nzuma, ni sotshe sihari si si tsimbilako ha mafuni.”

Genesisi 1:28 Referans Kwoze

Genesisi 9:1

Se Txizimu txi to katekisa Nowa ni vanana vakwe, txi va gela tiya: “Velekani, mi anda mi tata mafu.

Genesisi 9:7

Anu velekelani mi anda; tatani mafu mi txi hangalaka ka ona.”

Levhi 26:9

Ni na mi khatalela, ni txi mi maha mi velekela, ni txi mi andisa, kambe ni na tsanisa txitumelelano txangu ni nanu.

Genesisi 1:22

Se Txizimu txi to si katekisa, txi txi kha txona: “Velekelani, mi txi anda, mi txi tata mati tineneni; se sinyana si na tale ha mafuni.”

Isaya 45:18

Nguko Mkoma a womba tiya, awule a nga maha tinzuma, Txizimu txi txi nga wumba mafu txi ma vanga; txona txi ma tsanisile, kha txa ma maha diphanga, aniko txi ma vangile kasi ku vathu ve zumba ka ona: Ani ngani Mkoma, kha ku na mmwani.

Genesisi 17:20

Ngu didhawa da Ismayeli nene, ni engisile txikombelo txako, ni na mkatekisa, ni andisa ngutu liveleko lakwe, a na veleka digumi da vakoma ni vambidi, ani liveleko lakwe li na maha mfumo wa hombe.

Genesisi 8:17

Sotshe sihari si si ku kumweko ni nawe, sotshe si i ku nyama, sinyana, sifuyo, ni sotshe si si tsimbilako ngu dibindi ha mafuni, huma naso, si na velekele ha mafuni, si na veke mihando, si na ande ha mafuni.”

Masalmo 107:38

Se Mkoma a to va katekisa a txi va andisa ngutu asi hunguli mtengo wa sihari sawe sa sifuyo.

1 Makronika 4:10

Nguko Jabhesi a to kombela ka Txizimu txa Israyeli, a txi khene: Ni katekise ngutu, u anamisa mihingano yangu, ni dianza dako di va ni nani, ni ku ni vhikela ka sikarato! Se Txizimu txi to mninga ati a nga kombela.

Genesisi 26:24

Se Mkoma a to woneka kwakwe ka wona wusiku wule, e m'gela tiya: “Ani ngani Txizimu txa Abrahamu, tate wako; u nga thave txilo, nguko ani nipune ni ni nawe. Ani ni na kukatekisa, ni na andisa liveleko lako, ngu mhaka ya Abrahamu txithumi txangu.”

Genesisi 17:16

Ani ni na mkatekisa, kambe ngu ngene ni na kuninga mwanana wa dizambi, ani ni na mkatekisa ene a na va mame wa mifumo, ngu kwakwe ku na huma vafumeli va vathu.”

Genesisi 49:25

Txizimu txa tate wako txi na kuvhuna, ni wu wa Mtamo-wotshe awu a no ku katekise: Ngu makatekwa a kuta ngu txitimwi nzumani, ni makatekwa a kuhokomani, ma ku hahatshi ni makatekwa a titshumbu, ni mrumbuni.

1 Makronika 26:5

wa wutxhanu ni mmweyo i Amiyeli, wa wutxhanu ni vambidi i Isakari, wa wutxhanu ni vararu i Pewuletayi; nguko Txizimu txi ti va katekisile.

Genesisi 33:5

Mbimo yi Esawu a nga gula maso a txi wona vavasikati ni vanana, a to wotisa, a txi khene: “Mbamani vava u ku navo kani?” Jakobe a xamute, a txi khene: “Mbanana vangu, avava Txizimu txi nga ni ninga ani txithumi txako.”

Genesisi 24:60

Va to katekisa Rebheka, va txi kha vona kwakwe: “Awe ndiyathu veleka magumi a mazana a magumi a mazana, liveleko lako li na xule valala va lona.”

Masalmo 69:34

Dhumisani Mkoma anu tinzuma ni mafu, linene ni sotshe sivangwa si si ku ka lona!

Jobe 42:12

Mkoma a to katekisa Jobe ka masiku akwe a maphya, kupinda o khata; nguko a vile ni 14.000 wa tinvuta, ni 6.000 wa makamelu, ni 1.000 wa mipatwa ya tihomu, ni 1.000 wa timbongola.

1 Timoti 4:3

Vona va na tsimbisa kutekana; va na tsimbisa kudya sakudya sokari na kasi Txizimu ngu txona txi nga si va nga kufela ku si txi amukelwa ngu kubonga ngu va va kholwako ni kuziva ditshuri.

Genesisi 5:2

Txi to va vanga wamwamna ni wamsikati, txi va katekisa. Txi va ningile ditina daku M'thu, ka ditshiku dile txona txi nga va vanga ngu dona.

Masalmo 8:6

U mningile kufuma sotshe si u nga si maha, sotshe u si vekile hahatshi ka mikondo yakwe:

Genesisi 6:1

Mbimo yi vathu va nga khata kuanda ha mafuni, va txi veleka vanana vamahorana,

Jobe 39:11

Mwendo u nga themba nyari, ngu mtamo wa yona wa hombe, mwendo u nga yi ninga mthumo wako kani?

Masalmo 8:7

Totshe tinvuta ni tihomu, kumweko ni sihari sa txitinga;

Masalmo 115:16

Nzuma yi lumba Mkoma, aniko mafu a ma ningete ka vanana va vathu.