Genesisi 1:27 - Bhiblia Yo Sawuleka

²⁷ Se Txizimu txi vangile m'thu ngu txifaniso txa txona; txi m'vangile e fana ni Txizimu; txi va vangile wamwamna ni wamsikati.

Genesisi 1:27 Referans Kwoze

Matewu 19:4

Ene a to xamula, a txi khene: “Ina kha ma gonda tito: ‘Muvangi, kukhatani, a va mahile mwamna ni msikati.’

Vaefesu 2:10

Nguko athu hi mthumo wa kuhuma manzani ka Txizimu txi nga hi va nga ngu ka Kristu Jesu ngu mhaka ya mithumo ya yinene yi Txizimu txi nga hi sikela ngu kale, kasiku hi yi maha.

Marku 10:6

Kambe kukhatani Txizimu txi va vangile mwamna ni msikati.

Vaefesu 4:24

mi txi londetela mahanyelo a m'thu wamphya, awu a nga vangwa e mahwa txifaniso txa Txizimu ngu wululami wa ditshuri ni wusawuleki wa ditshuri.

Masalmo 139:14

Na ku bonga, nguko u ni wumbile ngu nzila ya kuxamalisa, mithumo yako ya diwukisa. Moya wangu wa tiziva kwati.

Isaya 43:7

ka votshe vale va dhanwako ngu ditina dangu, ni vale ni nga va wunja, kasi kuva wudhumo wangu; ani ni va wumbile, ina, ani ni va vangile.

Vakolosa 1:15

Kristu i Txifaniso txa Txizimu txi txi si wonwiko, Matiwula a sotshe sivangwa,

Malakiya 2:15

Ina kha mi maha mmweyo dwe, e mi ninga ni moya kani? Se ngu kutxani mi va mmweyo kani? Ene a ti ti lava mbewu ya vo lulama; ngu konaho, ti xayiseni mimoyani kwanu, kambe ni wammweyo a nga leke kuthembeka ka msikati wa wujaha wakwe.

Genesisi 2:18

Se Mkoma Txizimu, a wombile, a txi khene: “Hi nga tinene ti to m'thu e zumba ekha; ni na mmahela m'vhuni wo fana ni nene.”

Vakolosa 1:26

i ku txikungo txi txi nga ti sisilwe, malembe ni malembe, ka totshe tixaka ta vathu, kambe se txi nga tulelwa ka vasawuleki va txona.

Vakolosa 3:10

mi ambate m'thu wamphya, awuwa se a kulako ka wona wuphyewo, ngu kulondetela nzila ya m'vangi wakwe, kasiku e mana wuzivi wa kuhetiseka.

Genesisi 9:6

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

Dhewuteronome 4:32

Wotisisa ta masiku a kale, aale ma nga kuthangela, kukhukhela ka ditshiku dile Txizimu txi nga vanga m'thu ha mafuni, kukhukhela makhatoni ka nzuma kala magwito ka yona, ina ku ta nga humelela mhaka ya hombe yo fana ni yona yiya kani?

Ekleziyaste 7:29

Wonani mhaka yi ni nga yi mana dwe, ngu yiya: Txizimu txi vangile m'thu a di lulamile, aniko ene a ti lavete so tala.

Genesisi 2:7

Se Mkoma Txizimu, a to wumba m'thu ngu lithulu la dibumba, e futeta mu tithonvuni, moya wa wutomi, se m'thu a to va txiwumbiwa txo hanya.

Valamuli 21:22

Se ngako vatate vawe mwendo tindiya tawe va txi ta mi henyela, athu hi na va gela ku khathu: “Nguko hi randa kwanu, va pfeleni wusiwana, nguko ka yimbi yiya, kha ha teka vavasikati vo dingana mmweyo ni mmweyo vawe, nguko anu kha ma va ninga, ka kuza anu mi mana mnandu.”

Jeremiya 29:6

Tekani vasikati, mi txi veleka sizambzana ni sihoranana; lowotani vafana vanu vasikati, ni kuningela mahorana anu ma txi tekwa ngu vavamna; va txi veleka sizambzana ni sihoranana; andani kheyo, mi nga hungulekeni.