Genesisi 1:21 - Bhiblia Yo Sawuleka

²¹ Se Txizimu txi to vanga vanyamrikidi, ni sotshe so hanya so tsimbila ngu dibindi, sasingi ngutu, si nga maneka matini, ngu kuhambana ka sona, ni sotshe sinyana si si ku ni tibhapi, ngu tixaka ta sona. Se Txizimu txi to wona ti to ndinene.

Genesisi 1:21 Referans Kwoze

Genesisi 1:25

Se Txizimu txi to vanga sihari sa txitinga, ngu tixaka ta sona, ni sifuyo ngu tixaka ta sona, ni sotshe si si tsimbilako ngu dibindi ha mafuni, ngu tixaka ta sona. Se Txizimu txi to wona ti to ndinene.

Genesisi 8:19

Sotshe sihari, sotshe so tsimbila ngu dibindi, sotshe sinyana, ni sotshe si si kasako ha mafuni, si to huma ngalavani, ngu tixaka ta sona.

Genesisi 8:17

Sotshe sihari si si ku kumweko ni nawe, sotshe si i ku nyama, sinyana, sifuyo, ni sotshe si si tsimbilako ngu dibindi ha mafuni, huma naso, si na velekele ha mafuni, si na veke mihando, si na ande ha mafuni.”

Eksodha 8:3

Mnambo wu na tala ngu makhele, ona ma na kwela ma txi wulela mu nyumbani kwako, mu txibhiyani kwako ko otela kona, txitimwi ka m'bhedhu wako, ni mu tinyumbani ka mahalamu ako ni ka ngamu yako yotshe, ni mu sikhoni kwako, ni mu timbiyani kwako.

Eksodha 1:7

vanana va ka Israyeli va to velekelana ve anda ngutu; kambe va manekile va txi tala, ni kuva ni mtamo, aha koza ditiko da Egipta di txi tala ngutu ngu vona.

Genesisi 9:7

Anu velekelani mi anda; tatani mafu mi txi hangalaka ka ona.”

Genesisi 7:14

Vona, ni sotshe sihari ngu tixaka ta sona, ni sotshe sifuyo ngu tixaka ta sona, ni sotshe sihari so tsimbila ngu dibindi txitimwi ka mafuni ngu tixaka ta sona, ni sotshe sinyana sa hombe sa totshe tixaka.

Genesisi 6:20

Ka tixaka ta sinyana, ka tixaka ta sihari, ka tixaka ta sotshe si si tsimbilako ngu dibindi ha mafuni, si na wulela simbidi-simbidi kumweko ni nawe amu ngalavani, kasi ku si txi huluka, si txi hanya.

Jobe 26:5

Vafi va dhudhumela hahatshi ka mati, ni vale va zumbako konemo.

Jobe 7:12

Ina ani no va linene mwendo nyatudi, koza u ni vekela muwoneleli kani?

Genesisi 1:31

Se Txizimu txi to wona totshe ti txi ngadi ti mahile, txi mana taku ndinene ngutu; se di to swa, ditxa: Ditshiku da wutxhanu ni dimwedo.

Genesisi 1:18

ni kuva si txi na fuma mitshikari ni wusiku, si txi hambanisa liwoningo ni txidema. Se Txizimu txi to wona ti to ndinene.

Matewu 12:40

Kufana ni Jona a nga zumba mndani ka txihaka masiku mararu ni wusiku wa kona, nene Mwanana wa M'thu a na zumba mndani ka mafu masiku mararu ni wusiku wa kona.

Jona 1:17

Mkoma a to rumela txihaka txa hombe, kasiku txi mita Jona; se Jona a to zumba mndani ka txihaka masiku mararu ni wusiku wa kona.

Ezekhiyele 32:2

Awe mwanana wa m'thu, wusa txidilo txitimwi ka Faro, mfumeli wa Egipta, u txi khawe: U ti ti fana ni txingonyamwana ka matiko, kambe awe u ti ti nga ngwenya tineneni, u txi bhanda minambo yako, ni ku vhilusa mati ngu mikondo yako, se u txi nzihatisa minambo yako.

Jona 2:10

Sekoko Mkoma a to womba-womba ka txihaka, se txona txi to kosa Jona ha mafuni.

Genesisi 1:20

Se Txizimu txi to kha txona: “Matini ku na maneke sivangwa sasingi so hanya; se ka mpfhuka wa nzuma ku na purumapurume sinyana.”

Genesisi 1:22

Se Txizimu txi to si katekisa, txi txi kha txona: “Velekelani, mi txi anda, mi txi tata mati tineneni; se sinyana si na tale ha mafuni.”

Genesisi 9:2

Sihari sotshe sa ha mafuni, ni sotshe sinyana sa nzuma, ni sotshe si si tsimbilatsimbilako ha mafuni, ni sotshe sihaka sa mu lineneni, si na mi thava ni kudhudhumela. Sona na si ningela manzani kwanu.

Masalmo 148:7

Anu sivangwa sa ha mafuni, dhumisani Mkoma; m'dhumiseni, anu sihari so thisa sa linene ni kutshima ka lona;

Genesisi 2:19

Ngako Mkoma Txizimu a di wumbile ngu mafu sotshe sihari sa txitinga, ni sotshe sinyana sa nzuma, a to si yisa hafuhi ka m'thu, kasi ku e si raya matina, sotshe sivangwa so hanya, si txi ziwa ngu matina awa m'thu a no si ninga.

Jobe 12:7

Se hi nga wotisa koko ka sihari, tximwetxo ni tximwetxo txi na kugondisa; ni ka sinyana sa nzuma, sona si na kuzivisa;