Genesisi 1:2 - Bhiblia Yo Sawuleka

² Mafu ma ti sinzi kuva ni khohe, ma ti sinzi kuva ni txilo; txidema txi ti ti fenengeta kuhokoma ka linene; se Moya wa Txizimu wu ti ti zinginika txitimwi ka mati.

Genesisi 1:2 Referans Kwoze

Jeremiya 4:23

Ni woni mafu, ma si nga ni txiwumbeko ma si nga ni txilo; ni nzumani, ku si nga ni kuwonekela.

Masalmo 104:30

Ngako u txi si rumela moya wako, sa tshumela si hanya. Ngu toneto, wa wuseta mafu me maha a maphya.

Isaya 45:18

Nguko Mkoma a womba tiya, awule a nga maha tinzuma, Txizimu txi txi nga wumba mafu txi ma vanga; txona txi ma tsanisile, kha txa ma maha diphanga, aniko txi ma vangile kasi ku vathu ve zumba ka ona: Ani ngani Mkoma, kha ku na mmwani.

Masalmo 33:6

Ngu dipswi da Mkoma; ku vangilwe nzuma ni sotshe sasingi sikuho ngu moya wa txisofu txakwe.

Jobe 26:7

Wuphemba ku gwimbwa ha ndengalengani; txi leketeta mafu aha ko mbi na txilo.

Jobe 26:14

Wona taku atiya ndikasa ta tinzila ta Txizimu; kambe ndidotho ngutu ati hi khalako ku tipfa ngu txona! I mani koko a ndi no ziva kudhinda ka mtamo txona kani?

Nahume 2:10

A na sala i ti diphanga, a di gumile, i di marumbi; se mbilu ya bhibhika, ni mazolo ma dhudhumela, kambe wotshe msana wa panda; ni tikhohe tawe votshe ta kwalala.

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Dhewuteronome 32:11

Kufana ni ngungwa yi wonelelako txisaka txa yona, ayi yi purumako ngu txitimwi ka mavondo a yona, yi pakata mavhondo txitimwi ka mabhapi a yona,

Jobe 38:9

ni mbimo yi ni nga ambeka linene ngu marefu, se ni txi li phutela ngu txidema kani?

Masalmo 104:6

U fenengetile mafu ngu Linene la kueta, ku txi nga u to ma fenengeta ngu didhamba, se mati ma fenengetile mimango,

Masalmo 136:6

Awule a nga ateta mafu txitimwi ka mati; nguko lirando lakwe nda kala kupinduka!

Masalmo 148:7

Anu sivangwa sa ha mafuni, dhumisani Mkoma; m'dhumiseni, anu sihari so thisa sa linene ni kutshima ka lona;

Mavingu 8:24

Ni vangilwe ku si se vaho kuhokoma; kambe na ku si se vaho sisima so tala ngu mati.

Isaya 31:5

Kufana ni sinyana si purumako, ngu toneto, Mkoma wa Mabutho a Tiyimbi, a na xayisa didhoropa da Jerusalema; a na di vhikela ni ku di hulukisa, kambe a na di hanyisa.

Jobe 41:32

Msana ka yona yi londetwa ngu dituro; kuhokoma ku txi pupuma nga kubasa ka wunvi.