Genesisi 1:16 - Bhiblia Yo Sawuleka

¹⁶ Se Txizimu txi mahile siwoningo simbidi sa hombe: Txiwoningo txa hombe kasi ku na fuma mitshikari, ni txiwoningo txa txidotho kasi ku na fuma wusiku; ni kuvanga tinyeleti.

Genesisi 1:16 Referans Kwoze

Dhewuteronome 4:19

Se u nga gule maso ako, u txi wona nzumani, ni ku u txi wona ditambo, mtxima, tinyeleti, sotshe siphatiphati sa nzumani, u nga thuke u txi ti bihisa ngu kukhizama masoni ka sona, u txi si khozela ni ku si thumela nzimaha si Mkoma Txizimu txako, a nga si avela ka vathu votshe va ku hahatshi ka nzuma, kasi ku si maha thomba yawe.

Masalmo 8:3

Ngako ni txi wonisisa nzuma, mthumo wa manza ako, ni mtxima ni tinyeleti, asi u nga si maha, ni pimisa ni txi khani;

Isaya 40:26

Gulani maso mi wona txitimwi, mi wona taku i mani a nga vanga sona siya. I mani a nga ti vangela so talisa tiya, i mani asi dhanako sotshe ngu matina a sona; ngu mhaka ya wuhombe wa mtamo wakwe, ni kutsana ka mtamo wakwe, kha ku na mbi pwateka ni txa tximwetxo.

Masalmo 148:5

Motshenu dhumisani ditina da Mkoma, nguko ene a to veka mthetho, se ku txi tumbunuka sotshe sivangwa.

Masalmo 74:16

Wusiku ni mitshikari si lumba awe; u vangile mtxima ni ditambo.

Masalmo 148:3

M'dhumiseni awe ditambo ni mtxima; m'dhumiseni motshenu tinyeleti ti phatimako!

Jobe 38:7

mbimo yile tinyeleti ta wuronga ti nga patana ti embelela, na votshe vanana va Txizimu va txi tsaka ngutu kani?

1 Vakorinto 15:41

ditambo di ni kuphatima ka dona, mtxima ni wona wu ni kuphatima ka wona; tinyeleti ni tona tina ni kuphatima ka tona; kambe hagari ka tona, kuphatima ka yimwani kuhambana ni kuphatima ka yimwani nyeleti.

Matewu 27:45

Se kukhukhela ka txikhati txa wutxhanu ni tximwetxo kala ka txa wutxhanu ni mune, txidema txi to fenengeta dotshe ditiko.

Habhakuki 3:11

Ditambo ni mtxima si emile makhaloni ka sona; Si nyamalaliswa ngu kuwoninga ka miseve yakwe, ni kuphatima ka kukeluka ka ditxhari dakwe.

Isaya 45:7

Ani na maha kuwonekela ni va nga txidema; ani na vanga kudikha, ni va nga dikhombo; ani Mkoma, na maha totshe tiya.

Isaya 13:10

Nguko tinyeleti ta nzumani ni mitxawa ya tona, kha ti na mbi leka kuwoninga, ditambo di na pfhupela kuhumani ka dona, ni mtxima kha wu na mbi woninga.

Masalmo 19:6

Dona di huma di txi khukhela makhatoni ka nzuma di tutuma di txi ya manela magwito ka yona nzuma. Kha ku nga ho txilo txi sikotako kuthava kuhisa ka dona.

Mtuletelo 21:23

Didhoropa kha di lavi kuwoninga ka ditambo, hambi ka ntxima, nguko dona di woningwa ngu wudhumo wa Txizimu, ani dilambu da kona ngu Txinvutana.

Isaya 24:23

Se mtxima wu na va ni tingana, ni ditambo di na kanganyiseka, mbimo yi Mkoma wa Mabutho a Tiyimbi, a no fuma mmangoni ka Siyoni ni Jerusalema; sekoko, masoni ka vathangeli vakwe, ku nava ni wudhumo.

Jobe 31:26

ngako ni di woni ditambo di nga txi phatima, mwendo mtxima wu txi tsimbila ngu kudhundeka;

Matewu 24:29

“Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Genesisi 1:15

Si nava siwoningo sa ha mpfhukani ka nzuma, si na woninga mafu. Se eto ti to maheka.

Jeremiya 31:35

Mkoma a khene, awu a ningako ditambo kuwoninga ditshiku, ni kuleletela mtxima ni tinyeleti ha wusikuni, a bhandako linene ni kudhindisa mavimbi a lona; ditina dakwe Mkoma wa Mabutho a Tiyimbi.