Genesisi 1:14 - Bhiblia Yo Sawuleka

¹⁴ Se Txizimu txi to kha txona: “Ku nave ho siwoningo ha mpfhukani ka nzuma, kasi kuhambanisa hagari ka mitshikari ni wusiku; si txi maha sikombiso sa timbimo to kari, ta masiku, ni malembe.”

Genesisi 1:14 Referans Kwoze

Dhewuteronome 4:19

Se u nga gule maso ako, u txi wona nzumani, ni ku u txi wona ditambo, mtxima, tinyeleti, sotshe siphatiphati sa nzumani, u nga thuke u txi ti bihisa ngu kukhizama masoni ka sona, u txi si khozela ni ku si thumela nzimaha si Mkoma Txizimu txako, a nga si avela ka vathu votshe va ku hahatshi ka nzuma, kasi ku si maha thomba yawe.

Jeremiya 31:35

Mkoma a khene, awu a ningako ditambo kuwoninga ditshiku, ni kuleletela mtxima ni tinyeleti ha wusikuni, a bhandako linene ni kudhindisa mavimbi a lona; ditina dakwe Mkoma wa Mabutho a Tiyimbi.

Masalmo 148:3

M'dhumiseni awe ditambo ni mtxima; m'dhumiseni motshenu tinyeleti ti phatimako!

Masalmo 148:6

Ene a vekile sotshe makhaloni ka sona kala kupinduka asi ningile mlayo, awu si tandekako ku wu eyisa!

Amosi 5:8

Lavani wu a nga maha Mtxhanu wa tinyeleti ni timbidi ni Oriyoni, a phemberusa txidema txi maha kuwonekela ka mixo, e tshumela e phemberusa mitshikari yiva wusiku a wu a dhanako mati a linene e ma theletela txitimwi ka mafu; ditina dakwe i Mkoma.

Joyeli 3:15

Ditambo ni mtxima si na maha sa mtima ni tinyeleti ti na thavisa kuwonekela ka tona.

Jeremiya 10:2

Mkoma a khene: Mi nga gondeni mahanyelo a vamatiko, mi nga thavisweni ngu sikombiso sa nzumani, nguko vamatiko va thaviswa ngu sona.

Masalmo 81:3

Vetani mpundu wa kutsakela kumeka ka mtxima mi txi veta kambe ngu ditshiku da mtxima wa ngoma, i ku ditshiku da m'buso wathu wa hombe!

Genesisi 8:22

Mafu ma di nga diho, kuphaya ni kuelula, malanga ni wuxika, wusiku ni mitshikari, kha si na mbi gwita.”

Isaya 40:26

Gulani maso mi wona txitimwi, mi wona taku i mani a nga vanga sona siya. I mani a nga ti vangela so talisa tiya, i mani asi dhanako sotshe ngu matina a sona; ngu mhaka ya wuhombe wa mtamo wakwe, ni kutsana ka mtamo wakwe, kha ku na mbi pwateka ni txa tximwetxo.

Matewu 24:29

“Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Amosi 8:9

Ku na maheka taku, ka ditshiku dileya, kuwomba Mkoma; na maha ta ku ditambo diva hagari se mafu ma maha mtema ngu mbimo ya mitshikari.

Joyeli 2:10

Masoni kwakwe, mafu ma na dhudhumela, nzuma yi na dekadeka; ditambo ni mtxima si na maha sa mtima, ni tinyeleti ti na thavisa kuphatima ka tona.

Jeremiya 33:20

Mkoma a khene: I diku ma sikota kufunya txitumelelano txangu ni mitshikari, ni txitumelelano txangu ni wusiku, ati taku aho ku si nga ni wusiku ni mitshikari ka mbimo ya kona;

Mtuletelo 6:12

Ni txi woni Txinvutana, mbimo yi txi nga kwamula txixambanyo txa wutxhanu ni tximwetxo: Ku to humelela kuzinginika ka hombe ka mafu: Ditambo di to maha da mtima, nga nguwo ya mkhwasi, se mtxima wotshe wu hinduka wu bhilivila nga mnoha.

Matewu 2:2

ti txi kha tona: “Ahani mfumeli wa Vajudha awu a nga velekwa, kani? Nguko hi woni nyeleti yakwe wutxani, se hi tile ku ta mu khozela.”

Ezekhiyele 46:1

Mkoma Txizimu a khene: Txike txa mtendela wa mndani, txa kurendekela wutxani, txi na sekwa mndani ka mtxhanu wa masiku ni dimwedo a mthumo; aniko ka ditshiku da Sabbata txi na tulwa; txi tulwa kambe ngu ditshiku da kumeka ka mtxima.

Jeremiya 33:25

Mkoma a khene: Txitumelelano txi ni nga txi maha ni wusiku ni mitshikari txi txo lamba kutsana, ngako ni sa emisa milayo yo fumela nzuma ni mafu,

Jobe 25:5

Wona taku hambi mtxima kha wu phatimi, ni tinyeleti kha ta sawuleka masoni ka txona.

Genesisi 9:13

Ni vekile wulaho wangu marefuni, wu na maha txikombiso txa Txitumelelano, hagari kwangu ni mafu.

Mtuletelo 8:12

Se ngelozi ya wunene yi to veta mpundu wa yona. Ku to hokelwa didhawa da wuraru da ditambo, didhawa da wuraru da mtxima, ni didhawa da wuraru da tinyeleti, ahawa koza didhawa da wuraru da sona di phumiswa; se mitshikari wu to luza didhawa da wuraru da kuwonekela ka wona, kufana ni wusiku ni wona.

Luka 23:45

ngu mhaka ya kuphumiswa ka ditambo, se nguwo ya Dithepele yi to vharuka ngu hagari;

Marku 13:24

“Ka masikuyo, msana ka kuxaniseka kuleya, ditambo di na maha txidema, mtxima wu na mbi woninga.

Ezekhiyele 46:6

Aniko ka ditshiku da kumeka ka mtxima, i nava dirole da kwa mbi na txibawa, ni mtxhanu wa sinvutana ni tximwetxo, ni hamba yimweyo; sa kwa mbi na sibawa.

Masalmo 119:91

Sotshe si ho kala nyamsi, ngu kurumwa ngu ngawe, nguko sotshe si thumela awe.

Jobe 25:3

Ina mabutho a txona ma ni mtengo kani? Niku i mani wule asi hokelwiko ngu liwoningo la txona kani?

Jobe 3:9

Ti na timeke tinyeleti ta tshonyana; ku na verele kuwoninga, ku ngate; kambe yi nga wone mikohe ya maso a wuronga!

Mtuletelo 9:2

se yona yi to tula txisofu txa diphala do hokoma, se konaho ku to tuvika wutshi, wo fana ni mdhikila wa hombe wa mndilo, ahawa koza ditambo ni ndengelenga si phumaliswa ngu mhaka ya wutshi wu humako ngu txisofuni ka diphala.

Genesisi 1:13

Se di to swa, ditxa: Ditshiku da wuraru.

Genesisi 1:15

Si nava siwoningo sa ha mpfhukani ka nzuma, si na woninga mafu. Se eto ti to maheka.

Masalmo 150:1

Dhumisani Mkoma! Dhumisani Mkoma nyumbani kwakwe ko sawuleka; m'dhumiseni ndengalengani kwakwe ka mtamo!