Genesisi 1:12 - Bhiblia Yo Sawuleka

¹² Se mafu ma milisile mwasi wo nakana, mwasi wo ninga mbewu ngu kuhambanelana ka wona, ni mindonga yo veleka mihando, yi ku ni tinyingi ngu kuhambanelana ka yona. Se Txizimu txi to wona taku ndinene.

Genesisi 1:12 Referans Kwoze

Marku 4:28

Mafu mapune ma milisa mbewu. Kukhata kuhuma ditshina ngu msana ku rumbuka diphumbu, se ngu magwito kuvelekwa diphumbu do tala ngu timbewu.

Luka 6:44

Nguko mndonga ni mndonga wu ziwa ngu mihando ya wona; kha va haphi maxanvu amu ka sihaha; kambe kha va haphi mauvha amu ka likwakwati.

Vagalatiya 6:7

Mi nga ti xengeni. Txizimu kha txi sakanelwi. M'thu ni m'thu a na elula asi a phayako.

2 Vakorinto 9:10

Txizimu txi ningako mbewu ka mphayi, txi mninga ni sakudya, se txi na mi lavela mbewu txi yi milisa, txi txi andisa mihando ya kululama kwanu.

Isaya 61:11

Nguko nga kule mafu ma humisako makhukhu a ona, ni ku nga themmbwe yi milisako sile si phaywako ka yona, ngu tona eto Mkoma Txizimu, a na milisa kululama, ni wudhumo ka otshe matiko.

Vahebheru 6:7

Nguko, mafu awa ma selako mati a nzumani ayawa ma wako ngu mtalo, aya ma milisako similwa sa sinene, asi si vhunako va va ti dimelako, mafuyo ma mana kukatekiswa ngu Txizimu.

Genesisi 1:11

Se Txizimu txi to kha txona: “Mafu ma na milise similwa so nakana, mwasi wu wu ningako mbewu, mindonga yo veleka mihando, yo ninga mihando ngu kuhambanelana ka yona, yi ku ni tinyingi mndani ka yona, txitimwi ka mafu.” Se eto ti to maheka.

Genesisi 1:13

Se di to swa, ditxa: Ditshiku da wuraru.

Masalmo 104:14

Wa kulisa lihawu la sihari ni mindonga yi vathu va phayako, kasi kumana sakudya ka yona: