Genesisi 1:11 - Bhiblia Yo Sawuleka

¹¹ Se Txizimu txi to kha txona: “Mafu ma na milise similwa so nakana, mwasi wu wu ningako mbewu, mindonga yo veleka mihando, yo ninga mihando ngu kuhambanelana ka yona, yi ku ni tinyingi mndani ka yona, txitimwi ka mafu.” Se eto ti to maheka.

Genesisi 1:11 Referans Kwoze

Vahebheru 6:7

Nguko, mafu awa ma selako mati a nzumani ayawa ma wako ngu mtalo, aya ma milisako similwa sa sinene, asi si vhunako va va ti dimelako, mafuyo ma mana kukatekiswa ngu Txizimu.

Masalmo 147:8

Ngene a fenengetako nzuma ngu marefu, a lulamisa mati kasiku mewa ha mafuni kambe wa milisa mwasi txitimwi ka mimango;

Genesisi 1:29

Se Txizimu txi to kha txona: “Ni mi ningile wotshe mwasi wu wu ningako mbewu, wu kuho txitimwi ka otshe mafu, ni yotshe mindonga ya mihando yi yi ningako mbewu; si na va i di sakudya sanu.

Genesisi 2:9

Se Mkoma Txizimu, a to maha ti to ku txi mila totshe tixaka ta mindonga ha mafuni, ayi yi tsakisako ni ku yi wona, ni yi yi ku ni mihando yo tshamba yo dyiwa, ni mndonga wa wutomi hagari ka thembwe, ni mndonga wa ta tinene ni to biha.

Marku 4:28

Mafu mapune ma milisa mbewu. Kukhata kuhuma ditshina ngu msana ku rumbuka diphumbu, se ngu magwito kuvelekwa diphumbu do tala ngu timbewu.

Matewu 6:30

Se ngako koko Txizimu txi txi ambekisa tiya mwasi wa txitingani, awu nyamsi wu hanyako, se mangwana wu no wilwa wu tshotshwa ha mndiloni, ina txi nga lamba ku mi ambeka ngutu anu, vathunu va likholo la lidotho kani?”

Jobe 28:5

Mafu ale di humako ka ona dipawu, hahatshi ma phemberukela nga mndilo.

Masalmo 1:3

A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.

Genesisi 2:5

kukhukhela ku ti si nga ho mndonga ni wawumwewo ha mafuni, hambi ni mwasi wu ti sanzi kumila, nguko Mkoma Txizimu, a ti sanzi kunisa mati ha mafuni, ni kambe ku ti si nga ho m'thu wo dima mafu.

Jakobe 3:12

Vanathu, ina mkuwu wu nga sikota kuveleka mihamdo ya muolivha, mwendo mndonga wa m'vhinya wu nga sikota kuveleka makuwu, kani? Kufana ni toneto, txisima txa mati a m'nyu kha txi na kuhumisa mati o tshamba.

Matewu 3:10

Kambe ndzanga yi vekilwe ha mikolotini ka mindonga. Ngu toneto, mndonga wuhi ni wuhi wu si velekiko mihando ya yinene, wu na gangwa wu tshotshwa ha mndiloni.

Jeremiya 17:8

Nguko a na fana ni mndonga wu wu nga phawa hafuhi ni mati, awuwa mitwi ya wona yi navako kala matini. Hambi kuva ni lisani kha wu thavi, aniko mazokoro a wona mo simama me nyuka. Kha wu karateki hambi i di dilembe do mbawa mati, hambi kuleka kuveleka mihando.

Genesisi 2:16

Se Mkoma Txizimu a to vekela m'thu awuwa mthetho: “U nga sikota kudya mihando ya yotshe mindonga ya thembweni u di txhatxhekile,

1 Vakorinto 15:38

Aniko Txizimu txa ninga mmidi mbewu yiya, madingano ni kuranda ka txona; yimwani ni yimwani txi yi ninga mmidi wu wu dinganako yona.

Genesisi 1:12

Se mafu ma milisile mwasi wo nakana, mwasi wo ninga mbewu ngu kuhambanelana ka wona, ni mindonga yo veleka mihando, yi ku ni tinyingi ngu kuhambanelana ka yona. Se Txizimu txi to wona taku ndinene.

Isaya 61:11

Nguko nga kule mafu ma humisako makhukhu a ona, ni ku nga themmbwe yi milisako sile si phaywako ka yona, ngu tona eto Mkoma Txizimu, a na milisa kululama, ni wudhumo ka otshe matiko.