Nguko Mkoma a womba tiya, awule a nga maha tinzuma, Txizimu txi txi nga wumba mafu txi ma vanga; txona txi ma tsanisile, kha txa ma maha diphanga, aniko txi ma vangile kasi ku vathu ve zumba ka ona: Ani ngani Mkoma, kha ku na mmwani.
Ngawe u ku ni fanelo, Mkoma Txizimu txathu, Ya kuamukela kupfaliswa, wudhumo ni mtamo, Nguko ngawe u nga va nga sotshe simaha; Se ngu kuranda kwako, sona si tumbulukile, si mana kuhanya.
A womba tiya Mkoma Txizimu, awu a nga vanga nzuma, e yi nawuluta, kambe a vangile mafu, ni sotshe si ma si humisako, a ningako kuhefemula ka vathu va va ku ka ona, ni moya, ka vale va tsimbilatsimbilako ka ona.
Nguko ngu mtxhanu wa masiku ni dimwedo, Mkoma a vangile nzuma ni mafu, ni linene, ni sotshe asi si kuho, se a to humulela ngu ditshiku da wutxhanu ni mambidi; ngu mhaka yeto, Mkoma a katekisile ditshiku da Sabbata a txi di sawulekisa.
Kambe vona va maha khakwenye, va txi nga vo ti timelela tito: I kale yi diho nzuma ni mafu, mafu awa ma nga thaviswa ka mati, ma txi vekwa hagari ka mati ngu Dipswi da Txizimu.
Awe ngawe wekha u ku Mkoma, ngawe u nga maha nzuma, nzuma ya tinzuma ni dotshe dibutho da yona, mafu ni sotshe si si ku ka ona, ni minambo ni sotshe si si ku ka yona; sotshe ngawe u si hanyisako, ni dibutho da nzumani da kukhozela.
Mkoma, Mtiruli wako, wule a nga ku wumba kukhukhela mndani, a khene: Ani ngani Mkoma, ni mahako sotshe, ni atetako tinzuma, ni kunawuluta mafu ani nipune;
Yona yi ti womba-womba ngu dipswi da hombe, yi txi kha yona: “Thavani Txizimu mi txi pfalisa, nguko txi hokile txikhati txa kulamula ka txona; khozelani awule a nga maha nzuma ni mafu, linene ni sisima.”
“Vavamna! Mi mahela txani toneto kani? Anathu hi vathu vo fana ni nanu ngu mtumbuluko; mahungu amanene awa hi mi tiselako ona, ngu ti to mi leka mithumo yi ya kukhozela sa walo, mi tshumelela ka Txizimu txi txi hanyako, txi nga maha nzuma ni mafu ni linene, ni sotshe simaha si si ku ka sona.
kambe kwathu kha txi nga ho tximwani hahanze ka Txizimu tximwetxo dwe, Tate wu, sotshe si tako ngu kwakwe, awu, hotshethu hi hanyelako ene; ni Mkoma mmweyo dwe, Jesu Kristu, awu, sotshe si hanyako ngu ngene, ni nathu hi hanyako ngu ngene.
Khu ti zivi, khwa tipfa taku, Txizimu txa yotshe mbimo, Mkoma, M'vangi wa magwito a mafu, kha karali, hambi kurereka kani? Mapimo akwe kha ma na mpimo.
Yi txi xambanya ngu wule a hanyako ka kwa mbi na magwito, a nga vanga nzuma ni sotshe siya si ku ka yona; mafu ni sotshe siya si ku ka ona; linene ni sotshe si si ku ka lona, yi txi kha yona: “Kha ku nga ngadi ni mbimo!
Vona ngako va di engisile toneto, va to guleta mapswi awe ka Txizimu ngu mbilu yimweyo va txi kha vona: “Mkoma, ngawe u nga maha nzuma ni mafu ni linene ni sotshe si si ku ka sona;
Ani na veka mapswi angu txisofuni kwako, ni kufenengeta ngu mtsudi wa dianza dangu, kasi kuvanga nzuma, ni kukhata mafu, ni kugela Siyoni kukhani: Anu mi vathu vangu.
O Mkoma wa Mabutho a Tiyimbi, Txizimu txa ka Israyeli, awe u zumbako hagari ka Makerubhima; ngawe u ku Txizimu, awe wekha, ka yotshe mifumo ya ha mafuni; awe u vangile nzuma ni mafu.
Hi bhala ta wule i ku Dipswi da wutomi, awu i ngadi ene kukhukhela makhatoni; awu hi nga mu engisa, awu hi nga ti mu wona ngu maso athu, awu hi nga mu wonisisa, awu hi nga m'gwesa ngu manza athu.
Nguko ka oneyo masiku ku nava ni sixaniso sa hombe ngutu, saku kukhukhela makhatoni ka ditiko di Txizimu txi ngadi vanga kala konkuwa, kha si khali ku va ho, kambe kha si na mbi nga vaho.
Gulani maso mi wona txitimwi, mi wona taku i mani a nga vanga sona siya. I mani a nga ti vangela so talisa tiya, i mani asi dhanako sotshe ngu matina a sona; ngu mhaka ya wuhombe wa mtamo wakwe, ni kutsana ka mtamo wakwe, kha ku na mbi pwateka ni txa tximwetxo.
A to engeta kambe a txi khene: “Ona mapswi awa ma tatisekile. Ani ngani Alfa ni Omega, ngani Makhato ni Magwito; ka wu a ku ni ditora ni na mninga mahala mati a txisima txa wutomi.
Kambe wa divala Mkoma wu a nga kuvanga, awu a nga nawuluta nzuma ni kumaha makhato a mafu, u zumbela kuthava masiku otshe, ngu mhaka ya tshofu ya mxanisi, a txi ti longisela kuya haxula kani? Ku hani kuhenya ka wule a nga ti kuxanisa kani?
Ka ngelozi ya Dibanza da Laodhikheya, bhala u txi khawe: “A womba tiya awu i ku Amen. Fakazi yo thembeka ni ya ditshuri, makhato a sivangwa sa Txizimu.
Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.
Se a to ningela ka Mosi (a di gwitile kuwombawomba nayo mmangoni ka Sinayi) sileti simbidi sa Wufakazi, sileti sa marigwi, so bhalwa ngu litiho la Txizimu.
A to khongela masoni ka Mkoma a txi khene: Awe Mkoma, Txizimu txa ka Israyeli, u zumbako hagari ka Makerubhima, awe upune ngawe wekha u ku Txizimu txa yotshe mifumo ya ha mafuni; awe u vangile tinzuma ni mafu.
Se Hiramu, mfumeli wa Tiro, a xamute ngu kubhala e rumela ka mfumeli Solomoni a txi khene: Mkoma a ngadi a txi randa vathu vakwe, a kuvekile kuva mfumeli wawe.
