Ezra 9:8 - Bhiblia Yo Sawuleka

⁸ Se konakuwa, ngu mbimo yayidotho, hi mahetwe wumbilu ngu Mkoma, Txizimu txathu, kasi ku hi siyela vokari va di hulukile, ni ku hi ninga kuzumbiseka wukhaloni kwakwe ko sawuleka; kasi kuwoninga maso athu; o Txizimu txathu, kasi ku hi ninga wutomi wa wudotho wukhumbini kwathu.

Ezra 9:8 Referans Kwoze

Masalmo 13:3

Ni wone, Mkoma, u txi ni xamula, Txizimu txangu; woninga maso angu, ti to ma si oteli wukohe wa lifo.

Hoseya 6:2

Msana ka masiku mambidi, a na hi ninga wutomi; ngu ditshiku da wuraru a na hi wusa, hi hanya masoni kwakwe.

Habhakuki 3:2

Ni pfite dispwi dako Mkoma ni thava; wusa awe Mkoma mthumo wako hagari ka malembe, hagari ka malembe wuzivekise; Kuhenyani kwako alakanya wumbilu.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Masalmo 85:6

Khu na mbiswa u txi hi hanyisa, kasiku vathu vako va txi tsaka ngu ngawe kani?

Mtuletelo 3:12

Awu a xulako ni na mu maha phande dithepeleni ka Txizimu txangu, se konaho kha na mbiswa e huma. Ni na bhala txitimwi kwakwe ditina da Txizimu txangu ni ditina da didhoropa da Txizimu txangu, Jerusalema wamphya a txhikako ngu nzumani, a tako ngu ka Txizimu txangu ni ditina dangu da diphya.

Varoma 9:27

Isaya nene wa huwelela ta Israyeli, a txi khene: “Hambiko mtengo wa vanana va ka Israyeli wu fanako ni mtxhefa wa lineneni, miboti yokha ngu yona yi no poniswa;

Zakariya 10:4

Ku na huma ngu ka Judha dirigwi da magwito, phande, wulaho wa yimbi, kumweko ni otshe masotxhwa.

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.

Zakariya 8:6

A womba tiya Mkoma wa Mabutho a Tiyimbi: Ngako eto ti txi tsakisa masoni ka votshe vathu ka masiku oneyo, ina ti na tsakisa kambe masoni kwangu kani? Kuwomba Mkoma wa Mabutho a Tiyimbi.

Ezekhiyele 14:22

Aniko wonani taku vokari ka vona va na va hagari ka ditiko, va na humiswa hahanze, vanana va majaha ni vamahorana; wonani taku va nata kwanu, se mi na wona tinzila tawe ni simaho sawe; mi na thavelelwa ka wubihi wu ni no va ni di wu tisile Jerusalema, ni sotshe si ni nga si tisa txitimwi ka dona.

Jeremiya 44:14

Aha kaku kha ku na mbi huluka ni wammweyo e maneka didhawa e sala wa ka Judha a nga wulelela ditikoni ka Egipta, kuya luvela, kasi kuteka ditiko da ka Judha, adi a nga txi navelwa kutshumela eya zumba ka dona; kha va na mbi tshumela, hahanze ka vale va nga huluka.

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako:

Isaya 56:5

Kambe ni na va ninga nyumbani kwangu, ni mndani ka maguma angu, wukhalo ni ditina, sa txhuko kupinda sa vanana va mazambi ni vanana vamahorana; Ni na ninga ditina do mbi na magwito ka mmweyo ni mmweyo, adi di na kwa mbi pfhiteka.

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Ekleziyaste 12:11

Mapswi a titxhari ma fana ni mindombo, ni ku nga sipikiri sile si nga tsaniswa ngu vagondisi va misengeletano, hi nga ningwa ngu M'dyisi mmweyo dwe.

Masalmo 138:7

Ngako ni txi tsimbila hagari ka kuxaniseka awe wa ni hanyisa; u na nawuluta dianza dako u ni vhikela ka txiviti txa valala vangu se dianza dako da txinene di na ni hanyisa.

Masalmo 34:5

Avale va mu wonako va na tala ngu litsako; kha va na mbi va ni kuwiswa tingana.

Jobe 33:30

kasi kuvayilelisa moya wakwe kutimelani, txi mu woninga ngu liwoningo la vo hanya.

Nehemiya 9:31

Kambe, ngu mhaka ya wunene wako wa hombe, khwa va haxula, hambi ku va leka; nguko awe u Txizimu txa wunene ni wumbilu.

Nehemiya 1:11

O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa. Sekoko ani ni ti ti mtheleli wa sa kusela sa mfumeli.

Ezra 9:9

Nguko tikhumbi ngathu, hambi keto wukhumbini kwathu kha txa hi leka Txizimu txathu; aniko txi hi mahete wunene masoni ka vafumeli va Persiya, kuva hi alakanya, ni kukhukhisa Nyumba ya Txizimu txathu, ni kuwusa sile si nga onhetelwa, ni kuhi ninga diguma kona Judha ni Jerusalema.

2 Vafumeli 19:4

Ti nga nda maheka ti to Mkoma Txizimu txako, a txi engisa otshe mapswi a Rabhisake, awule a nga rumwa ngu nyamne wako, i ku mfumeli wa Asiriya, ku ta duka Txizimu txa kuhanya; khongelela sotshe sile u si alakanyako.”

1 Samuwele 14:29

Sekoko Jonatani a to khene: Tate wangu wa nemetisa vathu, wonani, maso angu ma tulekile ngu kule ni nga danzanyana wulombe wuwa.

1 Samuwele 14:27

Kambe Jonatani kha tipfa mbimo yile tate wakwe a nga xambanya ka vathu, se a to nawuluta tshoka ya donga yile a nga ti nayo manzani, e yi nakanisa ngu amu ka dihesa da wulombe; se a txi wuletisa diwoko mkanani, maso akwe ma to tuleka.

Mavingu 29:13

Txisiwana ni mxanisi wa txona va manana, se maso awe votshe vavambidi, ma woningetwa ngu Mkoma.

Isaya 14:3

Se ku na humelela tito, ngu ditshiku di Mkoma a nota kuninga kuhumula ka mthumo wako, ni ka kuthava kwako, ni ka mthumo wo nemela, wule va nga kuthumisa,

Masalmo 13:4

Mlala wangu a nga thuke a txi khene: “Ni mxute.” Mlala wangu a nga thuke a txi giya ngu kuxuleka kwangu.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Zefaniya 3:12

Aniko hagari kwako ni na siya vathu vo ti veka hahatshi, va sisiwana, se vona va na themba ditina da Mkoma.