Ezra 9:7 - Bhiblia Yo Sawuleka

⁷ Kukhukhela ka masiku a vatate vathu kala ka masiku a nyamsi, hi onhile ngutu, ngu mhaka ya wubihi wathu, hi ningetwe, athu, ni vafumeli vathu, ni vaphaxeli vathu, manzani ka vafumeli va mafu, ka ditxhari, ka wukhumbi, kupelwa, ni kukanganyiswa hi txi ti wona, nga ha hi ti wonako kala nyamsi.

Ezra 9:7 Referans Kwoze

2 Makronika 29:6

Nguko vatate vathu va hambukile, va mahile to biha masoni ka Mkoma Txizimu txathu, ve mu leka; ve jikisa tikhohe tawe ve leka kuwonetela ditenda da Mkoma va txi ditshuralela.

Sidilo 5:7

Vatate vathu va onhile, aniko konkuwa kha va ngaho; se athu vanana vawe hi rwekwa sionho sawe.

Jeremiya 44:22

Mkoma a ti sa dingana kuxaniswa mbimo yayingi ngu wubihi wa mithumo yanu, sinyenyeko si mi nga si maha; ngu toneto ditiko danu di mahile txiwula, ni txixamaliso, ni txiruko, ku si na vo zumba, nga ti ku wonekisako tona nyamsi.

Jeremiya 25:18

I Jerusalema ni madhoropa a ka Judha, ni vafumeli va kona ni tinduna tawe, ti taku si txi maha marumbi, ni txidiwukiso, ni txiruko, nga ti ma ku ngu tona nyamsi.

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.

2 Makronika 30:7

Mi nga maheni ta kufana ni vatate vanu ni vananu ava va nga leka Mkoma Txizimu txa vatate vawe kala kuza ve ti ningela tiphangoni ku nga ha mi ti wonako.

1 Samuwele 12:15

Aniko ngako mi si engisi dipswi da Mkoma, mi eyisa sileleto sa Mkoma, dianza da Mkoma di na mi wukela, kufana ni kule di nga wukela vatate vanu.

Mitengo 32:14

Se anu vathu va sionho, anu mi nga teka wukhalo wa vatate vanu, kasi ku miya masoni ngu kuturisa kutsukula ka Mkoma, e hambana ni Isayeli.

1 Vafumeli 8:47

se ditiko di va no yiswa ka dona kota tikhumbi, ve ti alakanya, ve hunduluka, ve kudilela va di ka ditiko da wukhumbi, va txi kha vona: Hi onhile, kambe hi thumisile kuhambana, hi mahile wubihi;

Ezra 9:13

Se msana ka totshe ti ti nga hi mahekela, ngu mhaka ya mithumo yathu yo biha, ni mnandu wathu wa hombe, hambi keto, awe Txizimu txathu, u khulumetete a ti to hi si khundumuswi, amu ka wubihi wathu, u tshumela u hi hulukisa nga tiya;

Jeremiya 3:25

Ahiweni hahatshi tinganani kwathu, hi fenengela tona, nguko hi onhete Mkoma, Txizimu txathu, athu kumweko ni vatate vathu, kukhukhela ha wuphyani kwathu kala nyamsi; kha ha engisa dipswi da Mkoma, Txizimu txathu.”

Jeremiya 32:23

va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.

Jeremiya 32:32

Ngu mhaka ya wubihi wotshe wa vanana va ka Israyeli ni vanana va ka Judha, awu va nga wu maha kasi ku ni henyisa, vona ni vafumeli vawe, ni vathangeli vawe, ni vaphaxeli vawe, ni vaprofeti, ni vathu va ka Judha ni vaaki va Jerusalema.

2 Makronika 34:24

Mkoma a khene: Na tisa kubiha txitimwi ka wukhalo wuwa ni txitimwi ka vahanyi va wona, otshe makhombo awa ma nga bhalwa ka dibhuku di di nga gondwa masoni ka mfumeli wa Judha.

Isaya 64:4

Nguko kukhukhela ka kale kha ka pfiwa, hambi ngu tinzeve kha ka engiswa, hambi ngu maso kha ka wonwa Txizimu tximwani, txi txi mahako mithumo ka vale va txi thembako.

Jeremiya 44:9

Se mi divate konkuwa kubiha ka vatate vanu, ni wubihi wa vafumeli va ka Judha, ni wubihi wa vasikati vawe, ni wubihi wanu, ni wa vasikati vanu, mi nga kumaha ditikoni ka Judha ni mu ka tinzila ta Jerusalema kani?

Ezekhiyele 11:9

Se ni na mi humisa didhoropani, ni txi mi ningela manzani ka vamwani vathu, kambe mi na londeta kulamula kwangu hagari kwanu.

Ezekhiyele 39:23

Kambe matiko ma na tiziva taku va nyumba ya ka Israyeli, ngu mhaka ya wubihi wawe, va tsulisilwe wukhumbini, nguko va ni eyisile, se ni va sisete khohe yangu, ni va ningela manzani ka valala vawe, votshe va dayetwe ngu ditxhari.