Ezra 9:6 - Bhiblia Yo Sawuleka

⁶ Se ni ti khani: Awe Txizimu txangu! Ni kanganyisekile, ni ni tingana, kuva ni guleta khohe yangu kwako awe Txizimu txangu: Nguko wubihi wathu, wu andile ngutu amu ka misungo yathu, ni txionho txathu txi gulekile kala nzumani.

Ezra 9:6 Referans Kwoze

Mtuletelo 18:5

nguko sionho sakwe si tshutshutile kala nzumani se wubihi wakwe wu alakanyilwe ngu Txizimu.

Masalmo 38:4

Sionho sangu si tshutshutile si ni khubhunyetile ni msungo; sa ni kama kufana ni mrwalo wo nemela ngutu.

2 Makronika 28:9

Ku di ni wammweyo wa mprofeti wa Mkoma, ditina dakwe i ti ti Obhedhi, se mbimo yi dibutho di nga ti wuya ngu Samariya, a to huma e va hingeta a txi khene: Mkoma Txizimu txa vatate vanu, a henyete va ka Judha, a va ningela manzani kwanu, mi va daya ngu tshiku yile yi nga hoka ni nzumani.

Luka 15:21

Mwanana a to khene: ‘Tata, ni onhete nzuma ni masoni kwako. Kha ni fanekelwi ngu kuwombwa ti to ni mwanana wako.’

Jobe 42:6

Ngu mhaka yeto, na ti sola, ni kutilaya, ni di mu ka lithulu ni mu ka dikhuma.

Ezra 9:15

O! Mkoma, Txizimu txa ka Israyeli, awe u lulamile, nguko hi hulukile, ngako ti wonekako nyamsi; wona taku hiho masoni kwako, kudilani kwathu, nguko kha ngaho ni wammweyo wo dingana kuva masoni kwako, ngu mhaka ya toneto.

Varoma 6:21

Nji txani mi nga wuyelwa ngu txona ka sile konkuwa si mi thelako tingana kani? Nguko magwito a sona ngu lifo.

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

Jeremiya 31:19

Msana ka kuva ni di hundulukile, ni to ti sola; sekoko aha ni nga tiziva wutumbu, ni pekwa nyonga; ni so koyo tingana, ni txi kanganyiseka, nguko ni rwate txisolo txa wuphya wangu.

Jeremiya 8:12

Ina va ni tingana ngu kumaha manyala kani? Kha va na tingana, hambi kupima ti taku nji txani kuwiswa tingana! Ngu konaho, va na wa kumweko ni va vawako, kambe va na humbwa ka mbimo ya kutsayiswa kwawe, kuwomba Mkoma.

Jeremiya 6:15

Ina va pfite tingana ngako va di mahile manyala kani? Kota, kha va pfa tingana. Kambe kha va zivi ku wa tingana. Ngu konaho, va na wa kumweko ni vamwani; va na wa ngu mbimo yi ni va tsayisako, kuwomba Mkoma.

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

Isaya 59:12

Nguko sihambunyeto sathu si engetelani masoni kwako, ni sionho sathu sa hi wukela; nguko sihambunyeto sathu si ni nathu, kambe ha ziva wubihi wathu;

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Jobe 40:4

Wona taku kha ni nga wa txilo, ni na kuxamula txani ani kani? Ni tsiva txisofu txangu ngu dianza dangu.

Ezra 9:13

Se msana ka totshe ti ti nga hi mahekela, ngu mhaka ya mithumo yathu yo biha, ni mnandu wathu wa hombe, hambi keto, awe Txizimu txathu, u khulumetete a ti to hi si khundumuswi, amu ka wubihi wathu, u tshumela u hi hulukisa nga tiya;

Genesisi 13:13

Kambe vathu va Sodhoma va ti ti ni tshofu ngutu, va txi mahetela sionho sasingi masoni ka Mkoma.

Luka 18:13

Aniko mkhupisi, a di emile ngu kule, a ti si tsani ni kugula maso e wona nzumani, aniko a txi ti peka khana a txi khene: ‘Txizimu txangu, telwa ngu wumbilu ni nani, ni ku muonhi.’ ”

1 Vafumeli 8:47

se ditiko di va no yiswa ka dona kota tikhumbi, ve ti alakanya, ve hunduluka, ve kudilela va di ka ditiko da wukhumbi, va txi kha vona: Hi onhile, kambe hi thumisile kuhambana, hi mahile wubihi;

Jeremiya 51:9

Hi duketile ku mu hanyisa Bhabhilona, aniko kha kalamuka. Mlekeni, mmweyo ni mmweyo a na tsule ditikoni kwakwe: Nguko kulamulwa kwakwe kuhokile nzumani, ka marefu a txitimwi ngutu.

Eksodha 32:31

Se Mosi a to tshumela a txi ya ka Mkoma, a txi ya khene: “Avava vathu va mahile txionho txa hombe, ngu ku ti mahela sizimu sa nzalama.

Levhi 26:40

Sekoko va na ti tshanza ngu wubihi wawe, ni wubihi wa vatate vawe, ni wuhambunyeti wawe, asile va nga ni onhela ngu sona; kambe va na womba ku kha vona, ngu mhaka ya kule va nga ni onhela,

Nehemiya 1:6

Ti na pfisise koko tinzeve tako, ni maso ako ma na tuleke, kasi ku u engisa mkombela wa txithumi txako, awu ni wu mahako masoni kwako, wusiku ni mitshikari, ngu vanana va ka Israyeli, sithumi sako; kambe na ti veka hahatshi ngu mhaka ya sionho sa vanana va ka Israyeli, si hi nga kuonhela ngu sona; hambi ani ni nyumba ya tate wangu hi onhile.

Masalmo 38:5

Silonda sangu sa nunga, sa humela wubovhu, ngu mhaka ya wuphukuphuku wangu.

Sidilo 3:42

Hi ti lambisile hi kuonhela, awe Mkoma, ngu mhaka yeto, khwa hi divavela.