Ezra 9:5 - Bhiblia Yo Sawuleka

⁵ Hafuhi ka mbimo ya miphaxo, ni to khukha kuhenyanimo kwangu, na ni ti vharulete syambalo sangu, ni to khizama, ni guleta manza angu ka Mkoma, Txizimu txangu.

Ezra 9:5 Referans Kwoze

1 Vafumeli 8:54

Ku to maheka ti to msana ka mkombelo wule a nga wu maha Solomoni ka Mkoma ni kudila, a di khizamile e guleta manza me komba nzumani, a to khukha masoni ka Mkoma,

1 Vafumeli 8:38

yotshe mikombelo ni kotshe kudila ku no mahwa ngu ni wihi m'thu wa ka Israyeli, aha koza mmweyo ni mmweyo epfa kupanda ka mbilu yakwe e nawuluta dianza dakwe ka yiya nyumba,

1 Vafumeli 8:22

Se Solomoni a to tsula masoni ka txiluvelo txa Mkoma, masoni ka wotshe msengeletano wa ka Israyeli, se e gwimba manza me komba nzumani,

Eksodha 9:33

Konako, Mosi a to khukha ka Faro e huma mu didhoropani, se e nawuluta manza akwe a txi ma komba ka Mkoma Txizimu. Singwalangwanda ni mati a maralala si to ema, se kha ka nga wa kambe mati a maralala ha ditikoni.

Eksodha 9:29

Sekoko Mosi a xamute a txi khene: “Msana ka kuva ni di humile mu didhoropani ni na nawuluta manza angu ka Mkoma; singwalangwanda si na ema, kambe kha ku na mbiswa ku txi wa mati a maralala, kasiku u txi ziva to ditiko di lumba Mkoma.

Vaefesu 3:14

Ngu toneto, na khizama masoni ka Tate,

Masalmo 143:6

Na guleta manza angu kwako, ni khongela; Kufana ni mafu a kuoma, moya wangu wa pfa ditora ngu ngawe.

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

Masalmo 95:6

Ngonani anu hi ta khozela ni kunama! A hi khizameni masoni ka Mkoma awu a nga hi vanga,

2 Makronika 6:13

Nguko Solomoni ati mahile txikadha txa koporo, txi ku ni mtxhanu wa mikono ya kulapha ka txona, ni mtxhanu wa mikono ya kuanama, ni mikono yiraru ya kudemba, e txi veka hagari ka mtendela, se e kwela ka txona e khizama ngu mazolo masoni ka wotshe msengeletano wa Israyeli, e guleta mawoko akwe me komba nzumani.

Mithumo 21:5

Kambe ngako ma di gumile masiku ale, hi to longela kasiku hi khukha. Hi khukhile na hi txi heleketwa ngu vavasikati ni sivananana. Ngako hi di humile hahanze ka didhoropa, hi to khizama mabambe ka mati hi khongela.

Luka 22:41

Sekoko, e phawuka kwawe, a txi ya kule nyana ka kudingana kurinzwa ka dirigwi, ahawa a nga ya khizama, e khongela, a txi khene:

Isaya 1:15

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

Dhaniyeli 10:2

Ka ona masiku ale, ani Dhaniyeli, ni to karateka txipimo txa mavhiki mararu.

Nehemiya 1:4

Se ku to maheka taku, mbimo yile ni nga pfa mapswi eyo, ni to khalahatsha ni dila, ni karateka mndani ka masiku okari; ni to titona sakudya, ni kombela masoni ka Txizimu txa nzumani.