Ezra 9:4 - Bhiblia Yo Sawuleka

⁴ Sekoko va to ta ni randela, votshe vale va nga ti dhudhumeliswa ngu mapswi a Txizimu txa ka Israyeli, ngu mhaka ya sihoheto sa vale vo wuya ngu wukhumbini; ni to khalahatsha ni txi goo, kala ka mbimo ya miphaxo ya minova.

Ezra 9:4 Referans Kwoze

Ezra 10:3

Konkuwa koko, a hi maheni txitumelelano ni Txizimu txathu, txaku hi na tshumeta votshe vasikati ni vanana vawe, madingano ni txilayelo txa Mkoma, ni txirumo txa Txizimu txathu; ti mahwa madingano ni Mlayo.

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

Eksodha 29:39

U na ningela txihambana tximwetxo ni mixo, ni minova u na ningela tximwani txihambana.

Masalmo 119:136

Mirongo yangu ya khulunga nga mnambo, nguko mlayo wako kha wu xoniphwi.

2 Makronika 34:27

A ku u nga dhukiswa mbiluni kwako, u ti veka hahatshi masoni ka Txizimu, mbimo yi u nga pfa mapswi akwe madingano ni wukhalo wuwa ni vathu va kona, u txi ti veka hahatshi, u vharulela ni syambalo sako, u dila masoni kwangu, ani ni ku pfite, kuwomba Mkoma.

Mithumo 3:1

Pedro ni Johani va to kwela veya Dithepeleni kuya maha mkombelo ngu txikhati txa wuraru txa minova.

Dhaniyeli 9:21

ni txi ngadi ni womba-womba mkombeloni, wamwamna Gabriyele, awule ni nga mu wona amu ka txiwoniso txangu do khata, a tota a txi puruma ngu kukuluveta, e ta ni gwesa ngu mbimo ya mphaxo wa minova.

Ezekhiyele 9:4

Se Mkoma a to khene kwakwe: Tsimbila ngu hagari ka didhoropa, ngu hagari ka Jerusalema, u veka sikombiso ka timbanza ta vavamna vale va ku ni mahika, va dilako, ngu mhaka ya otshe manyala ale ma mahekako hagari ka didhoropa.

Ezra 10:9

Sekoko votshe vavamna va ka Judha ni va ka Bhenjamini, ngu masiku mararu va to sengeletana Jerusalema; i ti mtxima wa wutxhanu ni mune, ka ditshiku da magumi mambidi ka mtxima; se votshe vathu va to khalahatsha mthandani ka Nyumba ya Txizimu, na va txi dhudhumela ngu mhaka yiya, ni kuna ka nzuma ya hombe.

Dhaniyeli 10:2

Ka ona masiku ale, ani Dhaniyeli, ni to karateka txipimo txa mavhiki mararu.

Eksodha 29:41

Txihambana txa wumbidi u na txi ningela ni minova; awe u na txi ningela kumweko ni mningelo wa so sela ku nga mningelo wa mixo; ngu mningelo wo bhumula ko pimela, mhamba yo hiswa, yo mahelwa Mkoma.

Mitengo 25:6

Wona taku kutota wamwamna wokari ngu ka vanana va ka Israyeli, a txi neha wamsikati wa Mumedhiyani ka vanawe, hafuhi ka Mosi ni msengeletano wotshe wa va ka Israyeli, konaho msengeletano wu nga ti dila, ha txikeni ka Ditenda da Msengeletano.

Isaya 66:5

Engisani dipswi da Mkoma, anu mi dhudhumelako masoni ka dipswi dakwe. Vananu vale va mi nyenyako, kambe va mi tshotshako kule ngu kuranda ditina dangu, va kha vona: “Mkoma a na dhumiswe, kasi ku hi wona kutsaka kwanu!” Aniko vona va na wiswa tingana.