Ezra 9:2 - Bhiblia Yo Sawuleka

² nguko va tekile mahorana a vamatiko ve ma maha vasikati vawe ni va vanana vawe, ngu kumaha keto ku to patana mbewu yo sawuleka ni vathu va mafu awa, kambe manza a madhota ni a vathangeli ngu ona ma nga khatisa kuhambunyeta kuwa.

Ezra 9:2 Referans Kwoze

Dhewuteronome 7:6

Nguko mbathu vo sawuleka ka Mkoma, Txizimu txako; Mkoma, Txizimu txako, a mi sawute, kasi ku mi maha vathu vo lumba ene, mi txi va mi di ngamu yakwe ene apune, hagari ka votshe vathu va kuho ha mafuni.”

Eksodha 34:16

Kambe u nga thuke u txi wuta hagari ka vanana vawe vamahorana, vasikati kasi kulowota vanana vako va vafana, va nga hambukisa vanana vako va txi maha wugango ni sizimu soneso.

Ezra 10:2

Sekaniya, mwana Jeyeli, mmweyo wa vanana va Elamu, a to xamula a txi khene ka Ezra: Athu hi ti nga eyisa Txizimu txathu, hi tekile vasikati va mamwani matiko, hambi keto, ka yona mhakeyo, ku nga diho kuthemba ka Israyeli.

1 Vakorinto 7:14

Nguko wamwamna wo mbi kholwa wa sawulekiswa ngu msikati; se wamsikati wo mbi kholwa wa sawulekiswa nene ngu mwamna. I si nga eto, vanana vanu va ndi nava va nzambwa; kupheti vona mbasawuleki.

Malakiya 2:15

Ina kha mi maha mmweyo dwe, e mi ninga ni moya kani? Se ngu kutxani mi va mmweyo kani? Ene a ti ti lava mbewu ya vo lulama; ngu konaho, ti xayiseni mimoyani kwanu, kambe ni wammweyo a nga leke kuthembeka ka msikati wa wujaha wakwe.

Malakiya 2:11

Judha a lekile mlayo, se a mahile manyala ka Israyeli ni Jerusalema; nguko Judha a nyenyezisile wukhalo wo sawuleka wa Mkoma, awule ene a wu dhundako, se e teka mwanana wa dihorana da txizimu txa walo.

Dhewuteronome 14:2

Nguko anu mi vathu vo sawuleka ka Mkoma, Txizimu txanu, kambe Mkoma a mi sawute hagari ka vamwani vathu, votshe vale va kuho txitimwi ka mafu, kasi ku mi va vathu vakwe mipune.

Eksodha 22:31

Anu mi na va mi di vathu vangu vo sawuleka; ngu kumaha keto, mi nga dyeni nyama ya txihari txo phatulelwa ngu sihari sa txitinga; mi na yi ningela ka timbwa.”

Eksodha 19:6

Aniko anu mi na va mi di mfumo wa wuphaxeli ni vathu vo sawuleka. Mapswi awa ngu ona u no ya va gela vanana va ka Israyeli.”

2 Vakorinto 6:14

Mi nga sungweni ha dikangeni kumweko ni va va si kholwiko. Nguko wusengeli muni wu kuho hagari ka kululama ni kubiha kani? Mwendo wusengeli muni wu kuho hagari ka liwoningo ni txidema kani?

Genesisi 6:2

vanana va mazambi va Txizimu, ngu kuwona ti to vanana vamahorana va vathu va tshurile, va to langa vale va nga va navela, va txi maha vasikati vawe.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Nehemiya 13:28

Mmweyo ka vanana va Joyadha, mwana Eliyasibhe, mphaxeli wa hombe, i ti mwane wa Sambalati, muhoroni, ngu mhaka yeto, ni to mtovela masoni kwangu.

Nehemiya 13:17

Se ni to lwisana ni sikhumukani sa ka Judha, ni si gela tiya: Wubihi muni wuwa mi wu mahako, ngu kunyenyezisa ditshiku da Sabbata kani?

Joxuwa 23:12

Nguko, mi txi hambuka, mwendo kunamarela ka vamatiko va va nga sala hagari kwanu, mi txi tekelana navo vasikati, anu mi teka kwawe, ni vona ve teka kwanu,

Ezra 9:12

Se konkuwa, vanana vanu vamahorana, va nga tekwe ngu vanana vawe va majaha, ni vanana vawe vamahorana, va nga tekwe ngu vanana vanu va majaha, kambe mi nga laveni kuthutha ni kuzumbiseka kwawe; kasi ku mi ti tsanisa, mi txidya sa sinene sa ditiko diya, se mi na di maha thomba ya vanana vanu kala kupinduka.

Ezra 9:14

ina hi na engeta kambe kuwa, hi ndaka sirumo sako ni ku ti patanisa ni vathu va manyala kani? Ina khu na kuhenya awe kuwa, u hi wukela ni ku hi heta hotshethu, kuza ku si sali ni wammweyo wo huluka kani?

Levhi 21:15

kasiku asi nyenyezisi liveleko lakwe, hagari ka vathu va ka kwawe. Ani ngani Mkoma ni nga msawula.

Joxuwa 22:15

Va di hokile ka vanana va ka Rubheni, ka vanana va ka Gadhi ni ka hafu ya lihunzu la ka Manasi, va to ya kha vona:

1 Vafumeli 11:1

Se Solomoni a to randa vasikati vavangi va matiko, hahanze ka mwana Faro, a to randa Vamowabhi, Vaamoni, Vaedhomi, Vasidhoni, ni Vaheti,