Ezra 9:13 - Bhiblia Yo Sawuleka

¹³ Se msana ka totshe ti ti nga hi mahekela, ngu mhaka ya mithumo yathu yo biha, ni mnandu wathu wa hombe, hambi keto, awe Txizimu txathu, u khulumetete a ti to hi si khundumuswi, amu ka wubihi wathu, u tshumela u hi hulukisa nga tiya;

Ezra 9:13 Referans Kwoze

Masalmo 103:10

kha hi tshumeteli madingano ni sionho sathu kambe kha hi tsayisi madingano ni sionho sathu.

Sidilo 3:22

Wumbilu wa Mkoma, ngu wona wu mahako ti to hi si fuviswi; nguko wumbilu wakwe kha wu na magwito.

Jobe 11:6

se txi di kumahile u ziva sihunja sa wutxhari, si nga talelwa ngu kutsana; ngu kumaha keto, ziva taku Txizimu txa ku tsayisa ka kudotho, na kuve mnandu wako mbwo pinda mpimo.

Vagalatiya 3:4

Ati ta hombe ti nga mi humelela ti nga va i di ta walo kani? Tona kha ta nga va ta walo!

Habhakuki 3:2

Ni pfite dispwi dako Mkoma ni thava; wusa awe Mkoma mthumo wako hagari ka malembe, hagari ka malembe wuzivekise; Kuhenyani kwako alakanya wumbilu.

Nehemiya 9:32

Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

Nehemiya 13:18

Ina hi nga tona tiya va nga maha vatate vanu, txiza Txizimu txathu txi tisa dikhombo diya txitimwi kwathu, ni ka didhoropa diya kani? Se anu mingadi mi engetela kuhenya ka Txizimu txitimwi ka Israyeli, ngu ku nyamisa Sabbata.