Ezra 9:12 - Bhiblia Yo Sawuleka

¹² Se konkuwa, vanana vanu vamahorana, va nga tekwe ngu vanana vawe va majaha, ni vanana vawe vamahorana, va nga tekwe ngu vanana vanu va majaha, kambe mi nga laveni kuthutha ni kuzumbiseka kwawe; kasi ku mi ti tsanisa, mi txidya sa sinene sa ditiko diya, se mi na di maha thomba ya vanana vanu kala kupinduka.

Ezra 9:12 Referans Kwoze

Dhewuteronome 7:3

U nga tekane navo, u nga ningele vanana vako vamahorana ve tekwa ngu vafana vawe, hambi ni kutekela vafana vako mahorana awe.

Dhewuteronome 23:6

U nga va lavele hambi kudikha mwendo wunene, ka otshe masiku ako, kala kupinduka.

Mavingu 13:22

M'thu wa wunene, a siyela thomba vanana va vanana vakwe, aniko thomba ya muonhi yi ningelwa ka wo lulama.

Isaya 1:19

Ngako mi txi tumela kuengisa, mi na dya so tshamba ha mafuni hawa.

Mavingu 20:7

M'thu wo lulama a tsimbila ditshurini kwakwe; va na kateka vanana vakwe vale va mu engisako.

Ezra 9:2

nguko va tekile mahorana a vamatiko ve ma maha vasikati vawe ni va vanana vawe, ngu kumaha keto ku to patana mbewu yo sawuleka ni vathu va mafu awa, kambe manza a madhota ni a vathangeli ngu ona ma nga khatisa kuhambunyeta kuwa.

Eksodha 23:32

U nga mahe txitumelelano navo, ni sizimu sawe.

2 Makronika 19:2

Se Jewu mwana Hanani, m'huti, a to mu hingeta a txi khene ka mfumeli Josafati: Ngu kutxani u vhuna vabihi, u randa ava va nyenyako Mkoma kani? Ngu mhaka yeto, kuhenya ka Mkoma ku nata txitimwi kwako.

Dhewuteronome 23:7

U nga nyenye muedhomi, nguko i mwananu; hambi kunyenye Muegipta, nguko u ti ti mluveli ditikoni kwawe.

1 Makronika 28:8

Konkuwa koko, masoni ka votshe va ka Israyeli, ka msengeletano wa Mkoma, ni masoni ka tinzeve ta Txizimu txathu, xayisani ni kulava yotshe milayo ya Mkoma, Txizimu txathu, kasi ku mi na zumba ka ditiko diya da dinene, ni ku di maha thomba ya vanana vanu, kala kupinduka.