Ezra 9:11 - Bhiblia Yo Sawuleka

¹¹ ayile u nga rumela ni sithumi sako, i ku vaprofeti, u txi khawe: Ditiko diya mi wulelako ka dona kuya di teka, ditiko da nzambwa ngu mhaka ya wubihi wa vathu va dona, ngu sinyenyeko siya, asi amu ka wukanganyisi wawe, va ngadi tata, kukhukhela magwito an'ze magwito kambe.

Ezra 9:11 Referans Kwoze

Ezra 6:21

Ngu kumaha keto, vanana va ka Israyeli vale va nga ti wile ngu wukhumbini, va dyite Pasika, ni votshe vale va nga ti ti dhawukanisa ni wubihi wa vathu va mafu, va txi xota Mkoma, Txizimu txa ka Israyeli.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Ezra 9:1

Na ti di gwitile totsheto, va tile kwangu madhota ma txi ta kha ona: Vathu va ka Israyeli ni vaphaxeli, ni Valevhi, kha va zivi ku ti hambanisa ni vathu va matiko awa, ngu kulondisela sinyenyeko sa Vakanana, Vaheti, Vaferezi, Vajebhusi, Vaamoni, Vamowabhi, Vaegipta, ni Vaamori,

2 Makronika 33:2

A to maha wubihi masoni ka Mkoma, kufana ni manyala a vathu va mamwani matiko, va Mkoma a nga ti vatutumisile masoni ka vanana va ka Israyeli.

Dhewuteronome 18:12

ni wihi wule koko a mahetelako totshe tiya, njiyenyeko ka Mkoma; se ngu mhaka ya sinyenyeko siya, Mkoma Txizimu txako, a na va tshotsha kule ni nawe vathu vava.

Dhewuteronome 12:31

U nga ti mahe eto masoni ka Mkoma, Txizimu txako! Nguko totshe ti Mkoma a ti nyenyako, totshe ti ene asi ti laviko, vona va ti mahile ka sizimu sawe, aha koza va txi hisa vanana vawe vavafana ni vamahorana, va txi dhumisa sizimu sawe.

2 Vafumeli 21:16

Kambe kupinda eto, Manasi a theketile ngutu mnoha wa vo mbi na mnandu, wu tata Jerusalema, kukhukhela magwito kala kumwani magwito, eza e onhisa Judha, ngu kumaha wubihi masoni ka Mkoma.

Ezra 9:10

Sekoko konkuwa, awe Txizimu txathu, hi na womba txani msana keto kani? Nguko hi lekile milayo yako,

Jeremiya 26:5

kuva mi txi na engisa timhaka ta sithumi sangu i ku vaprofeti, ava ni nga va rumela kwanu, i di ngadi mixo, aniko anu kha ma engisa;