Ezra 9:1 - Bhiblia Yo Sawuleka

¹ Na ti di gwitile totsheto, va tile kwangu madhota ma txi ta kha ona: Vathu va ka Israyeli ni vaphaxeli, ni Valevhi, kha va zivi ku ti hambanisa ni vathu va matiko awa, ngu kulondisela sinyenyeko sa Vakanana, Vaheti, Vaferezi, Vajebhusi, Vaamoni, Vamowabhi, Vaegipta, ni Vaamori,

Ezra 9:1 Referans Kwoze

Nehemiya 9:2

Se liveleko la ka Israyeli li to ti hambanisa ni votshe vamatiko, se ve ema ve ti tshanza ngu mhaka ya sionho sawe ni wubihi wa vatate vawe.

Eksodha 33:16

Hi na ti zivisa kutxani ati to ani ni vathu vako hi ni dithomo masoni kwako kani? Ina hi nga ti to awe u na tsimbila kumweko ni nathu kani? Ngu mhaka yeto hi nava hi txi woneka, ani ni vathu vako, ti to hi hambanile ni vathu votshe va mifumo ya ha ditikoni.

Jeremiya 26:16

Sekoko tinduna ni vathu votshe va to kha vona ka vaphaxeli ni ka vaprofeti: Awuwa m'thu kha faneli kufa, nguko a txhumayela kwathu ngu ditina da Mkoma, Txizimu txathu.

Jeremiya 26:10

Se tinduna ta ka Judha, ngako ti di pfite eto, ti to kwela ngu nyumbani ka mfumeli ti txi ya Nyumbani ka Mkoma ti txi ya khalahatsha ngu ha txikeni ka kuphya ka Mkoma.

Isaya 52:11

Khukhani, khukhani, humani emo, mi nga gweseni txilo txo mbi basa; humani hagari ka dona, ti sawulekiseni anu mi rwalako siya sa Mkoma.

Masalmo 106:35

se aniko va to ti patanisa kumweko navo, ve tekelela mtumbuluko wa mahanyelo awe;

Nehemiya 4:3

Tobhiya, Muamoni a ti kumweko ni Sambalati, se a txi khene: Hambi ku va akako, kambe ku txo pinda nyampwe ngu txitimwi ka dona, a na khundumusa diguma dawe do hambwa ngu marigwi.

Ezra 10:8

Se votshe vale ku no pinda masiku mararu va si se hoka, madingano ni silayelo sa vathangeli ni sa madhota, yotshe thomba yawe yi na tsimbiselwa, kambe ene a na thaviswa ka msengeletano wa vale va nga wuya ngu wukhumbini.

2 Makronika 33:2

A to maha wubihi masoni ka Mkoma, kufana ni manyala a vathu va mamwani matiko, va Mkoma a nga ti vatutumisile masoni ka vanana va ka Israyeli.

1 Vafumeli 11:1

Se Solomoni a to randa vasikati vavangi va matiko, hahanze ka mwana Faro, a to randa Vamowabhi, Vaamoni, Vaedhomi, Vasidhoni, ni Vaheti,

Dhewuteronome 18:9

“Ngako u txi wulela ka ditiko di Mkoma, Txizimu txako, a no kuninga, u nga gonde mahanyelo o biha a vathu vonevo.

Mitengo 23:9

Nguko na mmona ni di txitimwi ka marigwi, ni wonisisa ni di mmangoni, ni wona vathu va nga zumba ngu didhawa. Ava va si ti fananisiko ni vamwani vathu, va mamwani matiko.

Levhi 18:3

Mi nga maheni ati va mahako Vaegipta, vale mi nga hanya navo ka masiku ale ma nga pinda, hambi tile va mahako Vakanana, vathu va ditiko dile ni lavako ku mi yisa ka dona, hambi kulondeta mikhuwo yawe.

Eksodha 23:23

Ngelozi yangu yi na kuthumela masoni kwako, kambe yi na kuyisa ditikoni ka Vaamori, ka Vaheti, ka Vaferezi, ka Vakanana, ka Vahevhi ni ka Vajebhusi, ani ni na va lovisa.

Eksodha 13:5

Ngako Mkoma a di mi hokisile ditikoni ka Vakanana, da Vaheti, da Vaamori, da Vahevhi ni da Vajebhusi, adi a nga xambanya ku di ningela ka vatate vanu, ditiko di dikhulungako masi ni wulombe, ditshiku diya mi na di vekisa, ka wona wuwa mtxima.

Genesisi 15:16

Vanana va liveleko lako la wumune va na wuya kambe kona muwa, nguko konkuwa wubihi wa Vaamori kha wu se hoka magwito ka wona.”

Nehemiya 4:7

Se mbimo yile Sambalati, ni Tobhiya, ni Vaarabhi, ni va ka Amoni, ni va ka Asidhodhe va nga tiengisa taku mthumo wo longisa maguma a Jerusalema wu ya masoni, va to henya ngutu.

Nehemiya 13:23

Ni wona Vajudha va vale va ngadi tekani ni vavasikati va ka Asidhodhe, ni va ka Amoni, ni va ka Mowabhi.

Malakiya 2:11

Judha a lekile mlayo, se a mahile manyala ka Israyeli ni Jerusalema; nguko Judha a nyenyezisile wukhalo wo sawuleka wa Mkoma, awule ene a wu dhundako, se e teka mwanana wa dihorana da txizimu txa walo.

Mitengo 25:6

Wona taku kutota wamwamna wokari ngu ka vanana va ka Israyeli, a txi neha wamsikati wa Mumedhiyani ka vanawe, hafuhi ka Mosi ni msengeletano wotshe wa va ka Israyeli, konaho msengeletano wu nga ti dila, ha txikeni ka Ditenda da Msengeletano.

Dhewuteronome 7:1

“Ngako Mkoma, Txizimu txako, a di ku wuletile ka ditiko di uyako ka dona, kasi ku u txi ya di fuma, a di tutumisile matiko amangi masoni kwake, Vaheti, Vagirigaxi, Vaamori, Vakanana, Vaferezi, Vahevhi ni Vajebhusi mtxhanu wa matiko ni mambidi a vathu vo tola ni mtamo wa hombe kupinda awe.

Dhewuteronome 23:8

Vanana va mi no va veleka ka liveleko la wuraru, mmweyo ni mmweyo wawe, a na wulela msengeletanoni ka Mkoma.

Joxuwa 23:12

Nguko, mi txi hambuka, mwendo kunamarela ka vamatiko va va nga sala hagari kwanu, mi txi tekelana navo vasikati, anu mi teka kwawe, ni vona ve teka kwanu,

2 Makronika 8:7

Se ngu ka vathu votshe vale va nga sala va Vaheti, Vaamori, Vaferezi, Vahevhi ni Vajebhusi, i nga ti si nga vanana va Israyeli,

Ezra 10:2

Sekaniya, mwana Jeyeli, mmweyo wa vanana va Elamu, a to xamula a txi khene ka Ezra: Athu hi ti nga eyisa Txizimu txathu, hi tekile vasikati va mamwani matiko, hambi keto, ka yona mhakeyo, ku nga diho kuthemba ka Israyeli.