Ezra 8:22 - Bhiblia Yo Sawuleka

²² Nguko ni vile ni tingana kukombela masotxhwa ka mfumeli, ni vagadhi va mahantxhi ku hi vhikela ka valala nzilani, ngako hi nga ti ti wombile ka mfumeli ku khathu: Dianza da Txizimu txathu di txitimwi ka votshe vale va txi lavako ngu ta tinene, aniko mtamo wa txona ni txiviti txa txona, si txitimwi ka vale va txi lekako.

Ezra 8:22 Referans Kwoze

1 Pedro 3:12

Nguko, maso a Txizimu ma woneleta va vo lulama, ni tinzeve ta txona tiengisa mikombelo yawe; aniko, khohe ya Mkoma yi thuvikela ava va mahako to biha.

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

Sidilo 3:25

Mkoma Txizimu ani wunene ka vale va mthembako, ka vathu vale va mlavako.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

Masalmo 34:22

Mkoma wa tirula wutomi wa vale va mthumelako; avale va mthembako kha va na mbi tsayiswa.

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Vahebheru 10:38

Mlulami a na hanya ngu likholo, aniko ngako a txi tshumelela msana, moya wangu kha wu na mbi mtsakela.”

Ezra 7:6

Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.

Ezra 7:28

Nani a ni mahete wumbilu wakwe masoni ka mfumeli, ni ka madhota akwe, ni ka votshe vakoma va mtamo va mfumeli; ngu kumaha keto ni to tihita, madingano ni dianza da Mkoma di nga ti txitimwi kwangu, ni pata vathangeli vokari va ka Israyeli, ve kwelela ninani.

Joxuwa 23:16

Ngako mi txi daya txitumelelano txi Mkoma, Txizimu txanu, a nga txi maha ni nanu, mi txi khozela simwani sizimu ni ku si khizamela, konako txiviti txa Mkoma txi na vhutuka txi mi wukela, kambe ngu kukuluveta mi na fuva ka ditiko diya da dinene, adiya ene a nga mi ninga.”

Ezra 7:9

nguko ka ditshiku do khata da mtxima wo khata, ngu dona i ku makhato a kukhukha kwakwe Bhabhilona; se ka ditshiku do khata da mtxima wa wutxhanu va to hoka Jerusalema, dianza da dinene da Txizimu di ti txitimwi kwakwe.

2 Vakorinto 7:14

Nguko, hambiko ni nga ti dhumisa kudotho ngu nganu, masoni ka Titosi, kha ta maneka to mi wisa tingana, kufana ni ku hi wombako ditshuri masoni kwanu, ngu toneto, ku ti dhumisa kwangu ngu nganu masoni ka Titosi ku manekile i di ditshuri.

1 Vakorinto 9:15

Aniko ani kha ni zivi ku yi thumisa fanelo yiya, kambe kha ni bhaleli ti to ni mahelwa eto ngu vathu; ni bheja kufa, kupinda kumwalata wudhumo wangu.

Masalmo 90:11

I mani a sikotako kuziva mtamo wa kuhenya kwako kani? I mani asi thaviko wurena wa kuhenya kwako kani?

Joxuwa 22:16

Wotshe msengeletano wa Mkoma wu womba tiya: Njionho muni txona txiya mi nga txi maha, txa kuwukela Mkoma, Txizimu txa ka Israyeli, akuwa nyamsi mi tshuralelako Mkoma, mi ti akela txiluvelo, atxiya i ku txiruko txo wukela Mkoma, kani?

Ezra 8:31

Se hi to khukha mnamboni ka Ahavha, ngu ditshiku da digumi ni mambidi ka mtxima wo khata, hi tsula Jerusalema; dianza da dinene da Txizimu txathu di ti txitimwi kwathu, di hi hulukisa manzani ka valala vathu, ni vale va nga ti hi riyela milawu tinzilani.

Nehemiya 2:9

Sekoko, ni to hoka ka vathangeli va mtxhatuko ka mnambo, ni va ninga mapapilo a mfumeli; se mfumeli a ti tirumete kumweko ni nani vathangeli va mabutho ni vagadhi va mahantxhi.

Masalmo 20:8

Vona va humbwa va txi wa hahatshi, aniko, athu hi tseramile hi di tsani.