Ezra 8:21 - Bhiblia Yo Sawuleka

²¹ Sekoko ni to huwelela kutitona hafuhi ni mnambo wa Ahavha, kasi hi txi ti namisa masoni ka khohe ya Txizimu txathu, hi txi txi kombela nzila ya yinene yathu, ya vanana vathu, ni ya totshe tithomba tathu.

Ezra 8:21 Referans Kwoze

2 Makronika 20:3

Sekoko Josafati a to thava e lava Mkoma; a to gela votshe va ka Judha kuve ti tona kudya.

Joyeli 1:14

Ti sawuleleni kutitona, nuwelani ditshiku da kutsimbisela, sengeletani madhota ni votshe zumbako ditikoni muwa, Nyumbani ka Mkoma, Txizimu txanu, se mi txi dila ka Mkoma.

Isaya 30:21

Se tinzeve tako ti na engisa dipswi msana kwako, di txi kha dona: Nzila ngu yona yi; tsimbilani ka yona, mi nga jikeni miya txinene mwendo txibhabha.

1 Samuwele 7:6

Se va to sengeletana kona Misipa, ve reka mati ve ma theletela masoni ka Mkoma, kambe ka ditshiku donedo va to titona kudya, va txi kha vona: Hi onhete Mkoma. Se Samuwele a to lamula vanana va ka Israyeli kona Misipa.

Jona 3:5

Se vathu va Ninivha va to kholwa ka Txizimu, se ve nuwela mhaka ya kutitona. Se va to ambala masaka, kukhukhela ka wa hombe kala ka wam'dotho.

Levhi 16:29

Awuwa mlayo ngu wu anu mi no wu vekisa ka yotshe mbimo. Ka ditshiku da wugumi, ka mtxima wa wutxhanu ni yimbidi, mi fanete mi txi va ni masaluko o ti dilela sionho sanu, anu ni valuveli vanu, avale va hanyako kumweko ni nanu, kambe mi nga nõleni mthumo ni wawumwewo.

Levhi 23:29

Awule, ka ditshiku donedo, a no va asi xaniseki ngu sionho sakwe, a na fuviswa hagari ka va ka kwawe,

Mithumo 2:39

Nguko awule a nga thembiswa a lumba anu ni vanana vanu, ni vale va ku kule, votshe vale va no dhanwa ngu Mkoma, Txizimu txathu.”

Isaya 42:16

Ni na tsimbitisa mabhofu ngu nzila yi ma si yi ziviko, ni na ma maha me tsimbila ngu magondo ale ma nga mbi ma ziva; ni na hundula txidema txi maha kuwonekela masoni kwawe; ni so maha so gombonyeka ni na si lulamisa. Simaheso ni na si maha, kambe kha ni na mbiswa ni va leka.

Masalmo 5:8

Ni tsimbitise, Mkoma, ngu nzila yako yo lulama u txi ni vhikela ka valala vangu. Lulamisa masoni kwangu nzila yako.

Ezra 8:15

Ni to va tshanganisa hafuhi ni mnambo wu wuyako Ahavha, hi to zumba konaho masiku mararu; ni to xola vathuni ni ka vaphaxeli, kha na mana ni wammweyo mwanana wa ka Levhi.

Jeremiya 10:23

Mkoma, na tiziva ti to nzila ya m'thu kha yi nga mtamoni kwakwe. Kambe m'thu kha sikoti kululamisa mazambo akwe.

Isaya 58:5

Ina ngu kona kutitona ku ni ndi no kusawula: Aku ko ditshiku dimwedo m'thu e xanisa muhefemulo wakwe, e namisa msungo a txi nga liwungu, kambe e ateta disaka da koni dikhumani kani? Ina awe u ndi na khawe eko ngu kona kutitona sakudya, ni ditshiku do tsakisa Mkoma kani?

Isaya 58:3

Va txi kha vona: Se hi titonela txani sakudya, na u si hi woni kani? Hi txanisela txani muhefemulo wathu, na awe u si ti zivi kani? Wonani taku, ditshiku di mi ti tonako sakudya, mo mana ku ti tsakisa mipune, kambe mi lwela wotshe mthumo wanu.

Isaya 49:10

Kha va na mbiswa va txi pfa nzala, mwendo ditora, hambi txiwunda mwendo ditambo, kha si na mbi va xanisa, nguko awule a ku ni wumbilu navo, a na va tsimbitisa, e va yisa ngu kuthutha sisimani ka mati.

Mavingu 3:6

Alakanya ene ka totshe tinzila tako, se ene a na lulamisa tinzila tako.

Valamuli 20:26

Sekoko votshe vanana va ka Israyeli, ni votshe vathu, va to kwelela va txi ya Bheteli, veya dila masoni ka Mkoma, se va to ti tona ka dotshe ditshiku dile kala minova; kambe va to ningela miphaxo yo hiswa, ni miningelo ya kudikha, masoni ka Mkoma.

Levhi 16:31

I Sabbata ya kuhumula kwanu, kambe mi na xanisa mihefemulo yanu; atxiya njileleto txa kwa mbi gwita.

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Masalmo 8:2

Ngu wudhumo wu wu humako sisofuni ka vanana ni ka vadotho. U mahile mkhokhola wa ku ti vhikela ka valala vako, kasiku u txi malata valala ni vaphoteli.

Ezra 8:31

Se hi to khukha mnamboni ka Ahavha, ngu ditshiku da digumi ni mambidi ka mtxima wo khata, hi tsula Jerusalema; dianza da dinene da Txizimu txathu di ti txitimwi kwathu, di hi hulukisa manzani ka valala vathu, ni vale va nga ti hi riyela milawu tinzilani.

Mitengo 14:31

Aniko vanana vanu, avale mi ku khanu va na ya tekwa ve maha tikhumbi, ngu vona ni no va maha ve wulela; se va na ya ziva ditikodo anu mi ngadi lamba.

Mitengo 14:3

Ni kambe ngu kutxani ene Mkoma a txi hi yisa ka ditikodo, hi na ya guma ngu kudawelwa ngu matxhari hi ya ningela vasikati vathu ni vanana vathu, ve mahwa tikhumbi kani? I si nga tshuko hi tshumela hi txi ya Egipta kani?”

Jona 3:7

Se a to nuwela Ninivha, ngu kuruma ka mfumeli ni ka vahombe vakwe, a txi khene: “Vathu, sihari, tihomu, ni tinvuta, si nga dukete txilo ni txa tximwetxo, hambi ku siyisa kudyiswani, ni kuselani ka mati.”

2 Makronika 20:4

Va ka Judha va to sengeletana kumweko ni otshe madhoropa awe kasi kuve kombela mtamo ka Mkoma.

Nehemiya 9:1

Se ka ditshiku da magumi mambidi ni mune, ka wona mtxima wuwa, vanana va ka Israyeli va to sengeletana, ve ti tona sakudya, va di ambate syambalo sa masaka, va di ti theletete mafu ha msungo kwawe.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Masalmo 5:9

Sisofuni kwawe kha ku na ditshuri; timbilu tawe ti tate ngu wubihi. Mkolo wawe diyiva do asama, lidimi lawe li yisa kufani.

Masalmo 137:1

Mabambe ka minambo ya Bhabhilona, hi khalahatshile hi dila, ngu kualakanya Siyoni.

Jeremiya 42:3

Kuva Mkoma Txizimu a na hi kombisa nzila yi hi no tsimbila ngu yona, ni ti hi dinganako ku ti maha.

Dhaniyeli 9:3

Se ni to rendekelisa khohe yangu ka Mkoma Txizimu, kasiku ni txi mlava ngu mikombelo ni mikhongelo, ni ti tona sakudya, ni ambala nguwo ya disaka, ni ku ti theletela dikhuma.