Ezra 8:16 - Bhiblia Yo Sawuleka

¹⁶ Sekoko ni to rumela Eliyezeri, Ariyeli, Semaya, Elinatani, Jaribhe, Elinatani, Nathani, Zakariya ni Mesulamu, vathangeli, kufana ni Joyaribhe ni Elinatani, i nga ti titxhari.

Ezra 8:16 Referans Kwoze

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

2 Timoti 2:7

Engisa ti ni wombako, se Mkoma a na kuninga kuziva totshe timhaketo.

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.

Mavingu 28:2

Ngu mhaka ya wuhambunyeti wa mafu, mbangi va lavako wuthangeli, aniko ngu mahaka ya vathu vo txhariha ni kupfisisa, ma na simama ma diho.

Mavingu 20:5

Silayelo mbiluni ka m'thu, si fana ni mati o mita; kambe m'thu wa mapimo, a na ma kota kuretha.

Mavingu 2:6

Nguko Mkoma wa ninga wutxhari, kambe wuzivi ni mapimo sita ngu txisofuni kwakwe.

Ezra 10:39

Selemiya, Natamu, Adhaya,

Ezra 10:21

Se ngu ka vanana va Harimu: I Mahaseya, ni Eliyasi, ni Semaya, ni Jeyeli, ni Uziya.

Ezra 8:18

Ngu dianza da dinene da Txizimu, va to hi tisela wamwamna wo ziva ngu ka vanana va Mali, mwana Levhi, mwanana wa Israyeli, i ku Serebhiya, ni vanana vakwe, ni vanawe, votshe digumi ni mtxhanu ni vararu.

Ezra 8:13

se ngu ka vanana vo gwitisa va Adhonikamu, matina awe i ti ti awa: Elifeleti, Jeyeli ni Semaya, kumweko ni mtxhanu wa magumi a vavamna ni digumi dimwedo;

2 Makronika 2:12

Hiramu a to womba kambe a txi khene: Kukateka ku nave ka Mkoma Txizimu txa Israyeli, txi nga maha nzuma ni mafu, txi nga ninga Dhavhidha, mwanana wa wuzivi, wa wutxhari wa hombe ni kupfisisa, a na ake Nyumba ya Mkoma ni ya mfumo wakwe.

1 Makronika 26:14

Se xolo ya wutxani yi to sawula Selemiya; ku to xaxuvwa tixolo ngu mwanana wakwe Zakariya, didhota do lulama, xolo yi mkomba didhawa da wuphemba.

1 Makronika 12:32

ka vanana va ka Isakari, vathu vo ziva timbimo, kasi kuziva ti Israyeli a nga ti fanela kumaha, i ti ti 200 wa vathangeli ni votshe vanawe, va nga tiengisa dipswi dakwe;

1 Vafumeli 3:11

Se Txizimu txi to kha txona: A ku u nga kombela tiya, u si ti kombeleli thomba, hambi wutomi wa valala vako, aniko u ti kombelete mapimo, kasi u ziva kuwila timhaka;

Ezra 8:15

Ni to va tshanganisa hafuhi ni mnambo wu wuyako Ahavha, hi to zumba konaho masiku mararu; ni to xola vathuni ni ka vaphaxeli, kha na mana ni wammweyo mwanana wa ka Levhi.

Ezra 8:17

Se ni to va ruma kutsimbila ve lava Idho, mthangeli wa wukhalo wa Kasifiya, ni va ningile mapswi kuya womba ka mwanawe Idho ngu txisofu txawe, ni ka vanetine wukhaloni ka Kasifiya, kasi kuva txi hi tisela vathumi Nyumbani ka Txizimu txathu.