Ezra 8:15 - Bhiblia Yo Sawuleka

¹⁵ Ni to va tshanganisa hafuhi ni mnambo wu wuyako Ahavha, hi to zumba konaho masiku mararu; ni to xola vathuni ni ka vaphaxeli, kha na mana ni wammweyo mwanana wa ka Levhi.

Ezra 8:15 Referans Kwoze

Ezra 8:31

Se hi to khukha mnamboni ka Ahavha, ngu ditshiku da digumi ni mambidi ka mtxima wo khata, hi tsula Jerusalema; dianza da dinene da Txizimu txathu di ti txitimwi kwathu, di hi hulukisa manzani ka valala vathu, ni vale va nga ti hi riyela milawu tinzilani.

Ezra 8:21

Sekoko ni to huwelela kutitona hafuhi ni mnambo wa Ahavha, kasi hi txi ti namisa masoni ka khohe ya Txizimu txathu, hi txi txi kombela nzila ya yinene yathu, ya vanana vathu, ni ya totshe tithomba tathu.

Ezra 7:7

Vokari hagari ka vanana va ka Israyeli, ni va vaphaxeli, ni va Valevhi, ni va vaembeleli, ni va vaxayisi va matimba, ni vanetine, ka dilembe da wutxhanu ni mambidi a mfumeli Aritasasta.

Ezekhiyele 3:15

Se ni to ta ka vale va wukhumbini, kona Teli-Abhibhe, va nga ti ti zumba hafuhi ni mnambo wa Kebhari, kambe ani ni ti ti zumba kona eho va nga ti zumba kona; se ni zumbile mtxhanu wa masiku ni mambidi, ni xamala, ni txi kayee, hagari kwawe.

Masalmo 137:1

Mabambe ka minambo ya Bhabhilona, hi khalahatshile hi dila, ngu kualakanya Siyoni.

Ezra 8:2

Ka vanana va Finiyasi, i Jersoni; ka vanana va Itamari, i Dhaniyele; ka vanana va Dhavhidha i Hatusi;

Mithumo 16:13

Ngu ditshiku da Sabbata, hi to huma ngu didhoropani hi ya mnamboni, ahawa hi nga pimisa ti to ku nga va ni wukhalo wo khongela kona. Ngako hi di khalahatshile, hi to womba-womba ni vavasikati, va nga ti sengeletani konaho.

Ezekhiyele 1:1

Se ku to maheka tito, ngu dilembe da wugumi ni mararu, ka mtxima wa wumune, ka ditshiku da wutxhanu ka mtxima, na ani ni di hagari ka tikhumbi, hafuhi ni mnambo wa Kebhari, yi to tuleka nzuma, se ani ni wona siwoniso sa Txizimu.

Ezra 7:24

Kambe ha mi zivisa ngu mhaka ya votshe vaphaxeli, ni Valevhi, ni vaembeleli, ni vaxayisi va matimba, ni Vanetine, ni vathumi va Nyumbani ka Txizimu, va si dinganiko kuresiswa, hambi kutheliswa mbasani.

Ezra 8:14

se ngu ka vanana va Bhigvhayi, i Utayi, ni Zabhudhi, kumweko ni mtxhanu wa magumi a vavamna ni magumi mambidi.

Ezra 8:16

Sekoko ni to rumela Eliyezeri, Ariyeli, Semaya, Elinatani, Jaribhe, Elinatani, Nathani, Zakariya ni Mesulamu, vathangeli, kufana ni Joyaribhe ni Elinatani, i nga ti titxhari.

Ezra 7:28

Nani a ni mahete wumbilu wakwe masoni ka mfumeli, ni ka madhota akwe, ni ka votshe vakoma va mtamo va mfumeli; ngu kumaha keto ni to tihita, madingano ni dianza da Mkoma di nga ti txitimwi kwangu, ni pata vathangeli vokari va ka Israyeli, ve kwelela ninani.