Ezra 8:1 - Bhiblia Yo Sawuleka

¹ Avava koko, mbathangeli va vatate vawe, ngu tihunzu tawe, ava va nga kwelela ni nani ngu Bhabhilona, kufumani ka mfumeli Aritasasta:

Ezra 8:1 Referans Kwoze

Ezra 7:7

Vokari hagari ka vanana va ka Israyeli, ni va vaphaxeli, ni va Valevhi, ni va vaembeleli, ni va vaxayisi va matimba, ni vanetine, ka dilembe da wutxhanu ni mambidi a mfumeli Aritasasta.

Ezra 7:13

Nipune na ruma taku, ka mfumo wangu, ni wihi ka vathu va ka Israyeli ni vaphaxeli, ni Valevhi, a ti lavako kutsula ni nawe Jerusalema, a na tsule.

Ezra 2:62

Ku to lawa matina awe ka ale ma nga ti ti bhatwe ngu tihunzu, aniko kha ma maneka; se ngu hanyelo yawe ya walo, kha va amukelwa ka wuphaxeli.

Ezra 1:5

Sekoko vathangeli va vatate va miti ya tihunzu ta ka Judha ni Bhenjamini, ni vaphaxeli, ni Valevhi, ni votshe vale Moya wa Txizimu wu nga va wusa, va to ya kuya aka Nyumba ya Mkoma, wu a ku Jerusalema.

2 Makronika 26:12

Mtxawa wuwa wu ti thangelwa ngu vathangeli va 2.600 wa vavamna wa mtamo.

1 Makronika 26:32

Se vanawe, vavamna va mtamo, i ti ti 2.700 wa vathangeli va vatate; se mfumeli Dhavhidha a to va veka txitimwi ka va ka Rubheni, ni va ka Gadhi, ni ka hafu ya lihunzu la ka Manasi, ka totshe timhaka ta Txizimu, ni ka totshe timhaka ta mfumeli.

1 Makronika 24:31

Se mthangeli wa nyumba ya vatate vawe kumeko ni mnanda wakwe, va to xaxuva tixolo kufana ni vanawe, vanana va Aroni, masoni ka Dhavhidha, ni Zadhoki, ni Ayimeleki, ni vathangeli va vatate, hagari ka vaphaxeli ni hagari ka Valevhi.

1 Makronika 9:34

Avava i ti vathangeli va vatate hagari ka Valevhi, vathangeli ngu tiveleko tawe; va ti zumba Jerusalema.

1 Makronika 9:1

Se votshe va ka Israyeli va to balwa ngu tiveleko tawe; aniko va bhatwe amu ka dibhuku da vafumeli va ka Israyeli; kambe va ka Judha va to yiswa Bhabhilona, ngu mhaka ya wuhambunyeti wawe.

1 Makronika 4:33

ni sotshe sidhoropana sa kona, si nga ti ranganyetile madhoropa awa, kala Bhahali. Aawa ngu ona mazumbo awe ni txhatxhameto ya kona.

Ezra 7:28

Nani a ni mahete wumbilu wakwe masoni ka mfumeli, ni ka madhota akwe, ni ka votshe vakoma va mtamo va mfumeli; ngu kumaha keto ni to tihita, madingano ni dianza da Mkoma di nga ti txitimwi kwangu, ni pata vathangeli vokari va ka Israyeli, ve kwelela ninani.

Ezra 8:2

Ka vanana va Finiyasi, i Jersoni; ka vanana va Itamari, i Dhaniyele; ka vanana va Dhavhidha i Hatusi;

Ezra 2:2

i ku vale va nga wuya ni Zorobhabheli, ni Jesuwa, ni Nehemiya, ni Seraya, ni Rehelaya, ni Mordhekayi, Bhilisa, Misipani, Bhigvhayi, Rewumi ni Bhahana. Ka vathu va ka Israyeli, mtengo wa vavamna ngu wuwa:

Ezra 2:3

Vanana va Parosi, 2.172.

Ezra 7:6

Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.