Ezra 7:7 - Bhiblia Yo Sawuleka

⁷ Vokari hagari ka vanana va ka Israyeli, ni va vaphaxeli, ni va Valevhi, ni va vaembeleli, ni va vaxayisi va matimba, ni vanetine, ka dilembe da wutxhanu ni mambidi a mfumeli Aritasasta.

Ezra 7:7 Referans Kwoze

Nehemiya 10:28

Se vamwani vathu, vaphaxeli, ni Valevhi, ni va vawoneleli va sike, ni vaembeleli, vanetine ni votshe va va nga ti hambanisa ni vathu va matiko ka Mlayo wa Txizimu, vasikati vawe, vanana vawe va vafana, ni vanana vawe vamahorana, totshe titxhari, ni vale va nga ti ti ni mtamo wo pfisisa

Nehemiya 2:1

Ku to maheka koko tito, ka mtxima wa nisani, ka dilembe da magumi mambidi a kufuma ka mfumeli Aritasasta, ku ti ti vekilwe vhinya masoni kwakwe, se ani ni to teka vhinya ni thelela mfumeli; aniko ni si khali kukarateka masoni kwakwe.

Ezra 7:24

Kambe ha mi zivisa ngu mhaka ya votshe vaphaxeli, ni Valevhi, ni vaembeleli, ni vaxayisi va matimba, ni Vanetine, ni vathumi va Nyumbani ka Txizimu, va si dinganiko kuresiswa, hambi kutheliswa mbasani.

Ezra 6:14

Se madhota a Vajudha ma ti ti aka, na va txi humeleliswa ngu kuprofeta ka mprofeti Hagayi, ni Zakariya mwana Idho; va to aka nyumba ve heta, madingano ni kuruma ka Txizimu txa ka Israyeli, ni kuruma ka Siro ni ka Dhariyo, ni ka ku Aritasasta, mfumeli wa Persiya.

Ezra 7:8

Sekoko ka mtxima wa wutxhanu, a tile Jerusalema, na i di dilembe da wutxhanu ni mambidi da mfumeliyo;

Nehemiya 12:1

Avava mbaphaxeli ni Valevhi va va nga wuya ni Zorobhabheli, mwana Selatiyeli, ni Jesuwa: Seraya, Jeremiya, Ezra,

Nehemiya 1:1

Mapswi a Nehemiya, mwana Hakaliya. Se ku to maheka taku, ka mtxima wa Kisilewu, ka dilembe da magumi mambidi, ni txi maneka Susani, mkhokholani,