Ezra 7:6 - Bhiblia Yo Sawuleka

⁶ Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.

Ezra 7:6 Referans Kwoze

Ezra 8:22

Nguko ni vile ni tingana kukombela masotxhwa ka mfumeli, ni vagadhi va mahantxhi ku hi vhikela ka valala nzilani, ngako hi nga ti ti wombile ka mfumeli ku khathu: Dianza da Txizimu txathu di txitimwi ka votshe vale va txi lavako ngu ta tinene, aniko mtamo wa txona ni txiviti txa txona, si txitimwi ka vale va txi lekako.

Ezra 7:28

Nani a ni mahete wumbilu wakwe masoni ka mfumeli, ni ka madhota akwe, ni ka votshe vakoma va mtamo va mfumeli; ngu kumaha keto ni to tihita, madingano ni dianza da Mkoma di nga ti txitimwi kwangu, ni pata vathangeli vokari va ka Israyeli, ve kwelela ninani.

Ezra 8:31

Se hi to khukha mnamboni ka Ahavha, ngu ditshiku da digumi ni mambidi ka mtxima wo khata, hi tsula Jerusalema; dianza da dinene da Txizimu txathu di ti txitimwi kwathu, di hi hulukisa manzani ka valala vathu, ni vale va nga ti hi riyela milawu tinzilani.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Nehemiya 2:18

Sekoko ni to va gela nga ha dianza da Txizimu txangu di nga ni mahela wunene, ni mapswi ale mfumeli a nga ti ma wombile kwangu. Sekoko va to kha vona: Ahi khukheni hi aka! Se va to ti ningetetela kumaha mthumo wa wunene.

Nehemiya 2:8

ni papilo yo ya ka Asafe, muwoneleli wa thembwe ya mfumeli, kasi ku a na ni ninga tiphande to aka ngu tona sike sa mkhokhola, ni ta diguma da didhoropa, ni ta nyumba yi ani ni no zumba ka yona. Se mfumeli a to ni ninga, madingano ni wunene wa dianza da Txizimu, txitimwi kwangu.

Ezra 8:18

Ngu dianza da dinene da Txizimu, va to hi tisela wamwamna wo ziva ngu ka vanana va Mali, mwana Levhi, mwanana wa Israyeli, i ku Serebhiya, ni vanana vakwe, ni vanawe, votshe digumi ni mtxhanu ni vararu.

Ezra 7:21

“Kambe ani nipune, mfumeli Aritasasta, na ruma ka votshe vaxayisi va tithomba va ku mtxhatuko ka mnambo taku, ni tihi tile a no mi kombela mphaxeli Ezra, mabhalani wa Mlayo wa Txizimu txa nzumani, ti na mahwe ngu kukuluveta.”

Ezra 7:9

nguko ka ditshiku do khata da mtxima wo khata, ngu dona i ku makhato a kukhukha kwakwe Bhabhilona; se ka ditshiku do khata da mtxima wa wutxhanu va to hoka Jerusalema, dianza da dinene da Txizimu di ti txitimwi kwakwe.

Mavingu 3:6

Alakanya ene ka totshe tinzila tako, se ene a na lulamisa tinzila tako.

Dhewuteronome 28:1

“Se ku na maheka taku, ngako u txi pfa dipswi da Mkoma, Txizimu txako, u vekisa sotshe sirumo sakwe, asi ni ku leletako nyamsi, Mkoma, Txizimu txako, a na kuguleta txitimwi ka yotshe mifumo ya ha mafuni.

Dhewuteronome 4:5

Wonani ani ni mi gondisile milayo ni sileleto, madingano ni ti Mkoma, Txizimu txangu, a nga ni rumisa tona, ti to mi txi si londeta, amu ka ditiko di mi no wulela ka dona, mi txi di fuma.

1 Vakorinto 15:1

Vanathu, na mi alakanyisa Evhangeli yi ni nga mi txhumayela, ayi anu mi nga yi amukela, ayi mi nga zumba mi di tsani ka yona;

1 Vakorinto 1:20

Kasi txhari yi hani kani? Txizivi txa mlayo txi hani? Awu a dhundako kukanetisana ni vamwani ngu sa ha mafuni ahani kani? Ina Txizimu kha txa wu wona i di wuhundwa wutxhari wa mafuni muwa kani?

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Isaya 59:1

Wonani taku dianza da Mkoma kha da khwanyela, a ti to di si sikoti kuhanyisa; hambi nzeve yakwe, kha ya tsiveka, ko naza yi tandeka kuengisa.

Isaya 50:2

Ngu kutxani ni ngata ni si ta mana m'thu kani? Ngu kutxani ni nga mi dhana, ku si oroveli ni wammweyo kani? Ina dianza dangu di to khwanyela, niza ni si sikoti kutirula kani? Ni ku mwendo kha ni ngadi ni mtamo kasi kutxhatxhisa kani? Wonani taku, ngu kukawuka kwangu na omisa linene, ni maha ti to minambo yi hunduluka yiva siwula, kala kuza sihaka sa kona si nunga, nguko kha ku nga ni mati, se sa fa ngu ditora.

Masalmo 45:1

Mbilu yangu yi tate ngu mapswi o tshura ngutu; ni na thula ndando yangu ya ku embeleta mfumeli wa ditiko! Lidimi langu i peniselo ya m'bhali wo txhariha.

Nehemiya 12:36

ni vanawe, i ku Semaya, ni Azareli, ni Milalayi, ni Gilalayi, ni Mahayi, ni Netaneli, ni Judha, ni Hanani, ni sivetaveta sa Dhavhidha, m'thu wa Txizimu; se Ezra, mabhalani, a ti thangete masoni kwawe.

Nehemiya 8:13

Se mangwanani ka kona, ku to sengeletana vathangeli va vatate va votshe vathu, vaphaxeli ni Valevhi, ka Ezra, mabhalani, kasi kuya engisisa mapswi a Mlayo.

Nehemiya 4:15

Se ku to maheka taku, va di ti pfite valala vathu ti taku hi ti zivile, ni ti to Txizimu txi onhile makungo awe, hotshethu hi to tshumelela digumani, mmweyo ni mmweyo ka mthumo wakwe.

Nehemiya 2:12

Se ni to wuka ni wusiku, ani ni vavamna vokari, kambe kha na gela m'thu a ti Txizimu txangu txi nga ti ti vekile mbiluni ku ni ya ti mahela Jerusalema; hambi txihari ni si nga natxo, hahanze ka txile ni nga ti ti gadhile.

Ezra 6:22

Se va to maha m'buso wa Mapawu o mbi Tshumbelwa, mndani ka mtxhanu wa masiku ni mbambidi, ngu kutsaka, nguko Mkoma a ti va tsakisile, na kambe a ti phemberusile mbilu ya mfumeli wa Asiriya e va dhunda, ni kutsanisa manza awe ka mthumo wa Nyumba ya Txizimu, Txizimu txa ka Israyeli.

Ezra 5:5

Ngako maso a Txizimu ma nga ti ti txitimwi ka madhota a Vajudha, kha va nga va tsimba, kala kuza mhaka yi hoka ka Dhariyo, sekoko mhakeyo va to xamula ngu dipasi.

Jeremiya 8:8

Ngu kutxani mi ku khanu: Athu hi txharihile, hi ni Mlayo wa Mkoma kani? Wona mtenga wa makuhu a vabhali, wu hembile makuhu.

Nehemiya 12:26

Avava mba masiku a Joyakimi, mwana Jesuwa, wa mwana Jozadhake, ni masiku a Nehemiya, mfumeli, ni ka masiku a mphaxeli Ezra, mabhalani.

Nehemiya 8:9

Se Nehemiya, wu i nga ti mfumeli ni mphaxeli Ezra, mabhalani, ni Valevhi vale va nga ti gondisa vathu va to kha vona ka votshe vathu: Ditshiku diya di sawulekile ka Mkoma Txizimu txanu, ngu toneto mi nga titsetseni, hambi ku ti dilela. Nguko votshe vathu va to dila va txi pfa mapswi a Mlayo.

Nehemiya 8:4

Se Ezra, mabhalani, a to ema txitimwi ka wurathu wa mapulango, va nga ti ti wu mahete mthumo wule. Hafuhi kwakwe ngu didhawa da txinene ku ti ti emile Matitiya, ni Xema, ni Anaya, ni Uriya, ni Hilikiya, ni Mahaseya; se ka didhawa da txibhabha ku ti ni Pedhaya, ni Mixayeli, ni Malikiya, Hasumi, ni Hasibhadhana, ni Zakariya, ni Mesulamu.

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Matewu 23:2

a txi khene: “Ha txikhaloni ka Mosi va khalahatshile vabhali ni vafarisi.

Ezra 7:5

mwana Abhisuwa, mwana Finiyasi, mwana Eleyazari, mwana Aroni, mphaxeli wa hombe.

Nehemiya 8:1

Se ku di hokile mtxima wa wutxhanu ni yimbidi, vanana va ka Israyeli va di madhoropani kwawe, vathu votshe va to sengeletana ngu mbilu yimweyo, ka mtendela wu ku masoni ka Txike txa Mati; se ve gela mabhalani Ezra, ti to e neha dibhuku da Mlayo wa Mosi, a di Mkoma a nga ti ti leletete Israyeli.

Ezra 8:1

Avava koko, mbathangeli va vatate vawe, ngu tihunzu tawe, ava va nga kwelela ni nani ngu Bhabhilona, kufumani ka mfumeli Aritasasta:

Nehemiya 9:13

U txhikile txitimwi ka mmango wa Sinayi, u womba-womba navo u di nzumani, u va ningile wululamo wa wunene ni milayo ya ditshuri, sileleto ni sirumo sa sinene.

Masalmo 80:18

Kha hi na mbi ngadi hi hambana ni nawe. Hi hanyise, kasiku hi na dhumisa ditina dako!

Masalmo 109:27

Kasiku ve tiziva ti to ngawe u ni hanyisako, ngawe upune u mahako txixamaliso txonetxo.

Masalmo 147:19

Ene wa rumela mahungu akwe ka va ka Jakobe, mithetho yakwe ni milayo yakwe ka va ka Israyeli.