Ezra 7:5 - Bhiblia Yo Sawuleka

⁵ mwana Abhisuwa, mwana Finiyasi, mwana Eleyazari, mwana Aroni, mphaxeli wa hombe.

Ezra 7:5 Referans Kwoze

Vahebheru 5:4

M'thu a nga thuke a txi ti tekela apune txikhunja txiya; hahanze ka wule a nga dhanwa ngu Txizimu kufana ni Aroni.

2 Makronika 26:20

Se Azariya mphaxeli wa hombe ni vaphaxeli vamwani, va to wona ti to a ni xokonho ka banza yakwe, ve kuluveta ve mretha e huma hahanze, nene a to huma ngu kukuluveta, nguko Mkoma a ti mupekile.

2 Makronika 19:11

Tiziveni ti to Amariya, mphaxeli wa hombe a na va i di mthangeli wanu ka toshe timhaka ti ti lumbako Mkoma; se ka timhaka ta mfumo, mi na thangelwa ngu Zebhadhiya, mwana Ismayeli, mthangeli wa nyumba ya va ka Judha. Valevhi va na vhunetela ka mithumo ya dibhazani. Thumani mi di tsani, Mkoma a na va ni vale va kululama.

1 Makronika 6:4

Eliyazari a to veleka Finiyasi, Finiyasi a to veleka Abhisuwa;

Valamuli 20:28

se Finiyasi, mwana Eleyazari, mwana Aroni, a ti ti masoni ka dona, ka masiku ale), va txi kha vona: Ina hi nga tshumela kambe hi txi yalwa ni vanana va ka Bhenjamini, vona va i ku vanathu, mwendo hi txi ema kani? Se Mkoma a ti khene: “Tsulani, nguko mangwana ni na va ningela manzani kwanu.”

Joxuwa 24:33

Sekoko, Eleyazari, mwana Aroni a to fa nene, se veya mtshotsha Gibheya, didhoropa da Finiyasi, mwanakwe, adi a nga ningwa kona mmangoni ka Efrayime.

Joxuwa 22:31

Koneko Finiyasi mwana Eleyazari, mphaxeli, a to womba ka vanana va ka Rubheni, ni ka vanana va ka Gadhi, ni ka vanana va ka Manasi, a txi khene: “Se ha tiziva nyamsi ti to Mkoma a hagari kwathu, nguko anu kha maonhela Mkoma ngu mhakeyo, aniko, mi hulukisile vanana va ka Israyeli ka txitsayiso txa Mkoma.”

Joxuwa 22:13

Vanana va ka Israyeli va to rumela ka vanana va ka Rubheni, ni ka vanana va ka Gadhi, ni ka hafu ya lihunzu la ka Manasi, ditikoni ka Gileyadhi, Finiyasi mphaxeli, mwana Eleyazari,

Joxuwa 14:1

Atiya koko ngu tona tithomba ti vanana va ka Israyeli, va nga ningwa ditikoni ka Kanana. Eleyazari, mphaxeli, ni Joxuwa, mwana Nune, ni vathangeli va tihunzu ta vanana va ka Israyeli, va nga va abanisela.

Mitengo 31:54

Mosi ni Eleyazari, mphaxeli, va to amukela nzalama ya vathangeli mabutho a yimbi ni ya mazana, ve si tisa ka ditenda da msengeletano, kasi kualakanyisa vanana va ka Israyeli, masoni ka Mkoma.

Mitengo 31:31

Se Mosi, ni Eleyazari, mphaxeli, va to maha nga ti Mkoma a nga leletisa tona ka Mosi.

Mitengo 31:6

Se Mosi a to va rumela yimbini 1.000 wa vona, ngu ka lihunzu limwelo ni limwani, ve tsula ni Finiyasi, mwana Eleyazari, mphaxeli, yimbini, ni siya so sawuleka, ni mipundu yo txharihisa manzani.

Mitengo 27:2

se va to ya ema masoni ka Mosi, ni masoni ka Eleyazari, mphaxeli, ni masoni ka vathaveli, ni ka wotshe msengeletano, ka ditimba da ditenda da msengeletano, va txi kha vona:

Mitengo 3:32

Se mthangeli wa vathangeli va ka Levhi, i ti ti Eleyazari, mwana Aroni, mphaxeli. Ene a ti ti ni mthumo wo thangela votshe vale va nga txi xayisa wukhalo wo sawuleka.

Levhi 10:16

Konako, Mosi a to wotisa ti va nga maha ngu mabhongwe wa mhamba yo divalela txionho, aniko ene mabhongweyo na a ti hisilwe. Mosi a to henya ngutu e henyela Eleyazari ni Itamari, vanana va Aroni, avale va nga ti sate va txi hanya, a txi khene:

Levhi 10:12

Se Mosi a gete Aroni ni vanana va va nga sala, Eleyazari ni Itamari a txi khene: Tekani si si nga sala, sakudya, ka mningelo wo hiselwa Mkoma, mi na si dya si sa tshumbelwa, hafuhi ka txiluvelo, nguko nzimaha so sawuleka.

Levhi 10:6

Se Mosi a to womba ka Aroni ni ka vanana vakwe, i ku Eleyazari ni Itamari, a txi khene: Anu mi nga vhununguleni misungo yanu hambi kuvharhula syambalo sanu, mi txi komba ku va dila, nguko mi nga fa, ngu kuva mi di vhutukisile dikhulo da Txizimu hagari ka msengeletano wotshe, kambe maxaka anu vanana va ka Israyeli, ngu vona va no dila ngu mhaka ya wuhya wuwa Mkoma a nga wu maha.

Eksodha 6:25

Eleyazari, mwanana wa Aroni, a tekanile ni mwanana wa dihorana wa Futiyeli, awu a nga veleka nayo Finiyasi. Eyo ngu yona misungo ya vatate va ka Levhi, madingano ni timwaya tawe.

Ezra 7:4

mwana Zeraya, mwana Uzi, mwana Bhuki,

Ezra 7:6

Ezra wuwa a to kwela ngu Bhabhilona; kambe i ti mabhalani wamnene wa Mlayo wa Mosi, wo ningwa ngu Mkoma, Txizimu txa Israyeli; kuve dianza da Mkoma, Txizimu txakwe, di ti ti txitimwi kwakwe, mfumeli a mningile sotshe sile a nga ti ti mkombela.