Ezra 7:25 - Bhiblia Yo Sawuleka

²⁵ Se awe Ezra, madingano ni wuzivi wa Txizimu txako, wu ku manzani kwako, veka vatsimbitisi ni vale va no lamula votshe vathu va ku mtxhatuko ka mnambo, ka vale va zivako milayo ya Txizimu txako, mi gondisa ni vale va si yi ziviko.

Ezra 7:25 Referans Kwoze

Ezra 7:10

Nguko Ezra a ti ti vekisete mbiluni kwakwe, kulava Mlayo wa Mkoma, kasi ku wu londeta, ni kugondisa kona Israyeli, sileleto sa kona, ni madingano a kona.

Dhewuteronome 16:18

“U na veka valamuli ni vabhali, ka otshe madhoropa ale Mkoma, Txizimu txako, a no kuninga ka lihunzu ni lihunzu, vona va na thethisa vathu ngu kululama.

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.

Masalmo 19:7

Mlayo wa Mkoma mbwo hetiseka, wa ninga kuhanya kakuphya. Sirumo sa Mkoma nzo thembeka; sa ninga wuzivi ka m'thu wo divala.

Marku 6:34

Ngako a di humile ngu ngalavani, Jesu a to wona dibutho da vathu vavangi, a txi va pfela wusiwana, nguko va ti fana ni tinvuta to mbi na m'dyisi. Se e khata ku va gondisa timhaka to tala.

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Mavingu 6:23

Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi,

Mavingu 2:6

Nguko Mkoma wa ninga wutxhari, kambe wuzivi ni mapimo sita ngu txisofuni kwakwe.

Nehemiya 9:3

Sekoko va di emile ka makhalo awe, va to gondelwa dibhuku da Mlayo wa Mkoma, Txizimu txawe, ngu txipimo txa wumune txa ditshiku; se ka txipimo tximwani txa wumune, va to titshanza, ve khozela Mkoma, Txizimu txawe.

Ezra 7:14

Eko u rumwa ngu mfumeli ni madhota akwe a mtxhanu ni mambidi, kuya maha bhalela kona Judha ni Jerusalema, madingano ni Mlayo wa Txizimu txako, wu ku manzani kwako.

Ezra 6:6

Sekoko, Tatenayi, mfumeli wa mtxhatuko ka mnambo, Setari-Bhozenayi ni vangana vakwe, i ku Vafarisi, mi ku mtxhatuko ka mnambo: Khukhani eho.

1 Makronika 23:4

Hagari kwawe ku ti ni 24.000 va nga sawulwa ka mthumo wo aka Nyumba ya Mkoma, ni 6.000 wa vathangeli ni valamuli va timhaka,

1 Makronika 22:12

Mkoma a na ku ninge wutxhari ni wuzivi dwe, a na ku gondise madingano ni Israyeli; kasi kuxayisa Mlayo wa Mkoma, Txizimu txako.

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

Vakolosa 1:28

Hi txhumayela ngu ngene, hi txi laya vathu ni ku va gondisa ngu wotshe wuzivi, kasiku hi kombisa votshe vathu na va di hetisekile ngu ka Kristu.

Genesisi 41:38

Se Faro a to khene ka sithumi sakwe: “Ina hi nga mmana mmwani m'thu wo nga wuwa, awu moya wa Txizimu wu ku kwakwe kani?”

Genesisi 41:39

Msana keto, Faro a to khene ka Josefa: Ngako Txizimu txi nga ku tuletela totsheto, kha nga ho mmwani a ku ni mapimo ni wutxhari wo nga awe.

2 Vafumeli 17:27

Sekoko mfumeli wa Asiriya a to rumisa dipswi do khene: Tekani mmweyo wa vaphaxeli vale mi nga ya va teka niya; a na tshumele eya zumba koneyo, e va gondisa txihena txa Txizimu txa mafu.

Ezra 10:4

Khukha koko, nguko ya kulumba mhaka yiya, se athu hi nava ni nawe; ti karate u maha toneto.