Ezra 7:18 - Bhiblia Yo Sawuleka

¹⁸ Ni tihi tile awe ni vananu mi no ti wonisa tona kumaha, ngu silivhela ni nzalama ka sile si nga sala, mi na maha madingano ni kuranda ka Txizimu txanu.

Ezra 7:18 Referans Kwoze

Vaefesu 5:17

Ngu toneto, mi nga ti maheni mabhemba, aniko lavani kuziva kuranda ka Txizimu.

Ezra 7:26

Ni wihi a no mbi xayisa mlayo wa Txizimu txako ni mlayo wa mfumeli, a na lamulwe koneho, mwendo ngu dawa, mwendo ngu dihiswa, mwendo kuñolelwa siya sakwe, hambi kukhotelwa.

2 Vafumeli 22:7

Kha va nga londiselwa ka mhaka ya male yile va nga ti ti ningilwe manzani kwawe, nguko va ti ti yi thumisa ngu kuthembeka.

2 Vafumeli 12:15

Kambe va ti si kombeli m'biko wa mthumo wa male yile, nguko i ti ti vo thembeka amu ka mathumiselo a male, va txi ningela ka vale va nga txi maha mthumo wa kona, nguko va txi maha ngu kuthembeka.

Ezra 7:17

Maleyo u na xava ngu yona marole, sihambana ni sinvutana, ni miningelo ya kona ya sakudya ni ya kuhiswa, u txi ya si ningela txitimwi ka txiluvelo Nyumbani ka Txizimu txanu, txi txi zumbako Jerusalema.

Ezra 7:19

Se siya sile u nga ningwa ku si thumisa Nyumbani ka Txizimu, u na si tshumetela masoni ka Txizimu txa Jerusalema.