Ezra 7:16 - Bhiblia Yo Sawuleka

¹⁶ Kumweko ni silivhela ni nzalama mi nga yi manako ka dotshe ditiko da Bhabhilona, ni sile vathu ni vaphaxeli va nga ningako, ngu kuranda kwawe, Nyumbani ka Txizimu txawe, txi txi zumbako Jerusalema.

Ezra 7:16 Referans Kwoze

1 Makronika 29:6

Sekoko vathangeli va vatate, ni vathangeli va tihunzu ta ka Israyeli, ni vathangeli va magumi a mazana ni va mazana, kala ka vathangeli va mthumo wa mfumeli va nga senga ngu kuranda kwawe,

Ezra 1:6

Se votshe vale va zumbako madhawani kwawe va to va vhuna ngu siya sa silivhela ni sa nzalama, ni siya, sifuyo, ni simwani so tshura, ni sotshe sile si nga ningwa ngu lidhundo.

Ezra 1:4

Se ni vahi vale va no ya zumba ve luvela ka wukhalo wokari, vavamna va wona wukhaloewo va na m'vhuna ngu silivhela ni nzalama, siya, sifuyo, ni siningo simwani va no ti lava kuningela Nyumbani ka Txizimu, txi txi zumbako Jerusalema.

1 Makronika 29:9

Se vathu va to tsaka ngu kule va nga ninga ngu kuranda kwawe, nguko va ningete ka Mkoma ngu mbilu to hetiseka; nene mfumeli Dhavhidha, a to tsaka ngu kutsaka ka hombe.

2 Vakorinto 9:7

M'thu a na ningele kota nga ti a xuvisako tona mbiluni kwakwe, asi karateki mwendo kukurumetwa, nguko Txizimu txi randa awu a ningelako ngu litsako.

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

2 Makronika 6:2

Se ani ni ku akete nyumba yo zumba ka yona, i ku wukhalo wu u no zumba ka wona yotshe mbimo.

2 Makronika 6:5

Kukhukhela ditshiku dile ni nga thavisa vathu vangu ditikoni da Egipta, kha na sawula didhoropa ni da dimwedo ka totshe tihunzu ta ka Israyeli kasi kuaka nyumba, kasi ni veka kona ditina dangu. Futhi kha na sawula m'thu awu no thangela vathu vangu va Israyeli.

2 Makronika 6:6

Konkuwa ni sawute m'ti Jerusalema kasi ku ditina dangu di txi zumba kona; ni Dhavhidha kasi e fumela vathu vangu va Israyeli.

2 Makronika 31:14

Ni Kora, mwana Imina, Mulevhi, muwoneleli wa txike txa didhawa da wutxani, i ti ti mxayisi wa miningelo ya kuranda kwawe, ayi yi ningelwako ka Txizimu, ni mphakeli wa miningelo yo sawuleka ya Mkoma ni simaha so sawuleka ngutu.

Masalmo 135:21

A na bongwe Mkoma kukhukhela Siyoni, awu a zumbako Jerusalema! Dhumisani Mkoma.