Ezra 7:15 - Bhiblia Yo Sawuleka

¹⁵ U teka silivhela ni nzalama yile, mfumeli ni madhota va nga ningela ka Txizimu txa ka Israyeli txi txi zumbako Jerusalema, ngu kuranda kwawe.

Ezra 7:15 Referans Kwoze

Masalmo 135:21

A na bongwe Mkoma kukhukhela Siyoni, awu a zumbako Jerusalema! Dhumisani Mkoma.

2 Makronika 6:2

Se ani ni ku akete nyumba yo zumba ka yona, i ku wukhalo wu u no zumba ka wona yotshe mbimo.

Ezra 6:12

Sekoko Txizimu txi txi nga veka ditina da txona hale, txi na khundumusele votshe vafumeli ni vathu va kona, avale va no nawuluta mawoko o lava kuphemberusa ni kuhasamula Nyumba ya Txizimu, yi ku Jerusalema. Ani Dhariyo ni ningile txileleto, txi na londiswe ngu txikuluveta.

Masalmo 76:11

Mahani sithembiso ka Mkoma, Txizimu txanu, aniko txi ningeni asi mi nga txi thembisa. Otshe matiko a hafuhi ma na wuyise miningelo me ta luva Txizimu txi fanelako kuxoniphwa!

Masalmo 76:2

Nyumba ya txona ya wukhongeli yi maneka Jerusalema; m'ti wa txona wu mmangoni ka Siyoni.

Masalmo 72:10

Vafumeli va Tarxixi ni va sitondolo va na m'luva; vafumeli va Sabha ni va Sebha va na rumela tinduvo!

Masalmo 26:8

Mkoma, ani na randa kuzumba nyumbani kwako, i ku wukhalo wu ku ti kombako wudhumo wako.

Masalmo 9:11

Embelelani ka Mkoma, a fumako Siyoni, huwelelani mithumo yakwe hagari ka mifumo.

Ezra 6:4

ni tinzila tiraru ta marigwi a hombe, ni yimwani nzila ya mapulango a maphya; si na dihelwa ngu mfumeli.

2 Makronika 6:6

Konkuwa ni sawute m'ti Jerusalema kasi ku ditina dangu di txi zumba kona; ni Dhavhidha kasi e fumela vathu vangu va Israyeli.

2 Makronika 2:6

Kambe i mani a nga vako ni mtamo waku muakela nyumba, nguko hambi nzuma kala ka nzuma ya tinzuma kha eneli ka tona kani? Niku ni mani ani, wo ni nga muakela nyumba, yo hisela ka yona dibaselo masoni kwakwe kani?

1 Makronika 29:6

Sekoko vathangeli va vatate, ni vathangeli va tihunzu ta ka Israyeli, ni vathangeli va magumi a mazana ni va mazana, kala ka vathangeli va mthumo wa mfumeli va nga senga ngu kuranda kwawe,

Ezra 7:14

Eko u rumwa ngu mfumeli ni madhota akwe a mtxhanu ni mambidi, kuya maha bhalela kona Judha ni Jerusalema, madingano ni Mlayo wa Txizimu txako, wu ku manzani kwako.

Ezra 8:25

Se ni to va pimela silivhela ni nzalama, i nga ti siningo so lumba Nyumbani ka Txizimu txathu, asile si nga ningilwa ngu mfumeli ni madhota, ni vathangeli vakwe, ni votshe va ka Israyeli, va nga ti maneka koneho.

2 Makronika 32:23

Vathu vavangi va to tisa simaha Jerusalema, ku ta ninga Mkoma, ni simaha sa lisima ngutu ve ta ninga Ezekhiya, mfumeli wa va ka Judha, kukhukhela koneho a to guleka masoni ka matiko otshe.

Ezra 1:6

Se votshe vale va zumbako madhawani kwawe va to va vhuna ngu siya sa silivhela ni sa nzalama, ni siya, sifuyo, ni simwani so tshura, ni sotshe sile si nga ningwa ngu lidhundo.