Ezra 7:13 - Bhiblia Yo Sawuleka

¹³ Nipune na ruma taku, ka mfumo wangu, ni wihi ka vathu va ka Israyeli ni vaphaxeli, ni Valevhi, a ti lavako kutsula ni nawe Jerusalema, a na tsule.

Ezra 7:13 Referans Kwoze

Ezra 6:1

Sekoko mfumeli Dhariyo, a to rumisa kuve xola ka wukhalo wule, ku nga ti ti vekwa ka wona tithomba ta Bhabhilona.

Mtuletelo 22:17

Moya ni txiwutwa va womba va txi kha vona: “Ngono!” Awule a engisako a na wombe nene a txi khene: “Ngono!” Awule a ku ni ditora, a na te. Awule a ti lavako a na amukele mahala mati a wutomi.

Vafilipiya 2:13

Kha ditshuri Txizimu ngu txona txi mahako ti to mi xuva ni kuthuma kuranda ka txona.

Masalmo 148:6

Ene a vekile sotshe makhaloni ka sona kala kupinduka asi ningile mlayo, awu si tandekako ku wu eyisa!

Masalmo 110:3

Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.

Esteri 9:14

Sekoko mfumeli a to womba taku ti na mahwe toneto; se ku to humiswa txileleto kona Susani, se kutxikitwa digumi da vanana va Hamani.

Esteri 3:15

Ngu kuleleta ka mfumeli, sirumwa koko si to huma ngu kututuma, se mlayo wu huwelelwa mkhokholani ka Susani; se mfumeli kumweko ni Hamani va to khalahatsha ve sela; kambe didhoropa da Susani di to tala ngu pfilu-pfilu.

Ezra 5:13

Ngu konaho, dilembe do khata da Siro mfumeli wa Bhabhilona, mfumeli Siro a rumile ti to Nyumba yiya ya Txizimu yi akwa.

Ezra 1:3

Ni wihi a kuho hagari kwanu, ka votshe vathu vakwe, Txizimu txakwe txi nave ni nene, a na kwelele eya Jerusalema, i ku kona Judha, eya aka Nyumba ya Mkoma, Txizimu txa Israyeli; nguko ene Njizimu txi zumbako Jerusalema.

2 Makronika 30:5

Se va to leleta votshe va ka Israyeli, kukhukhela Bherisebha kala Dhani kasi kuva txi ta Jerusalema ku ta maha Pasika ya Mkoma Txizimu txa Israyeli. Nguko kupindile malembe o tala na va si khali kumaha Pasika madingano ni ti ti nga bhalwa.

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.