Ezra 7:1 - Bhiblia Yo Sawuleka

¹ Se ti di pindile totsheto, ka mbimo ya kufuma ka Aritasasta, mfumeli wa Persiya, Ezra mwana Seraya, mwana Azariya, mwana Hilikiya,

Ezra 7:1 Referans Kwoze

Nehemiya 2:1

Ku to maheka koko tito, ka mtxima wa nisani, ka dilembe da magumi mambidi a kufuma ka mfumeli Aritasasta, ku ti ti vekilwe vhinya masoni kwakwe, se ani ni to teka vhinya ni thelela mfumeli; aniko ni si khali kukarateka masoni kwakwe.

Ezra 7:21

“Kambe ani nipune, mfumeli Aritasasta, na ruma ka votshe vaxayisi va tithomba va ku mtxhatuko ka mnambo taku, ni tihi tile a no mi kombela mphaxeli Ezra, mabhalani wa Mlayo wa Txizimu txa nzumani, ti na mahwe ngu kukuluveta.”

Ezra 7:12

Aritasasta, mfumeli wa vafumeli, ka mphaxeli Ezra, mabhalani wa Mlayo wa Txizimu txa nzumani, kuthutha ko hetelela!

Ezra 6:14

Se madhota a Vajudha ma ti ti aka, na va txi humeleliswa ngu kuprofeta ka mprofeti Hagayi, ni Zakariya mwana Idho; va to aka nyumba ve heta, madingano ni kuruma ka Txizimu txa ka Israyeli, ni kuruma ka Siro ni ka Dhariyo, ni ka ku Aritasasta, mfumeli wa Persiya.

2 Vafumeli 22:4

Kwelela uya ka mphaxeli wa hombe, Hilikiya, uya m'gela ku a na teke male yile yi nga tiswa Nyumbani ka Mkoma, ayiya vawoneleti va mtshunzuti wa ditimba va nga amukela ngu ka vathu.

Nehemiya 11:11

Seraya, mwana Hilikiya, mwana Mesulami, mwana Zadhoki, mwana Merayoti, mwana Ayitubhe, wa hombe wa Nyumbani ka Txizimu,

Ezra 7:10

Nguko Ezra a ti ti vekisete mbiluni kwakwe, kulava Mlayo wa Mkoma, kasi ku wu londeta, ni kugondisa kona Israyeli, sileleto sa kona, ni madingano a kona.

2 Makronika 34:15

Se Hilikiya a to gela mabhalani Safani a txi khene: Ni mani dibhuku da Mlayo Nyumbani ka Mkoma. Hilikiya a to ningela dibhuku ka Safani.

2 Makronika 34:9

Se va toya ka Hilikiya, mphaxeli wa hombe, veya mninga male yile yi nga ti tisilwe Nyumbani ka Txizimu, ayiya Valevhi, va woneleti va mtshunzuti wa ditimba, va nga amukela manzani ka Manasi ni Efrayime, ni ka votshe va ka Israyeli, ni va ka Judha ni Bhenjamini, ve tshumelela Jerusalema.

1 Makronika 9:11

ni Azariya, mwana Hilikiya, mwana Mesulami, mwana Zadhoki, mwana Merayoti, mwana Ayitubhe, mthangeli wa Nyumba ya Txizimu;

2 Vafumeli 25:18

Se Nabhuzaradhani, mthangeli wa vawoneleli, a to teka mphaxeli wo khata i ku Saraya, ni mphaxeli wa wumbidi i ku Zefaniaya, ni vawoneleli vararu va msasimo wa ditimba.

2 Vafumeli 22:8

Sekoko mphaxeli wa hombe Hilikiya, a to khene ka mabhalani Safani: Ni tumbute dibhuku da Mlayo Nyumbani ka Mkoma, se Hilikiya a to ningela dibhuku ka Safani, ene a to di gonda.

Ezra 7:2

mwana Salumi, mwana Zadhoki, mwana Ayitubhe,

Ezra 4:7

Ka masiku ya Aritasasta, Bhisilamu, Mitredhate, Tabhili, ni vamwani vangana vakwe, va to bhalela Aritasasta, mfumeli wa Persiya; dipasi di ti ti bhatwe ngu mibhalo ya Txiharamu, aniko ngu lidimi la Txisiriya.

Nehemiya 8:1

Se ku di hokile mtxima wa wutxhanu ni yimbidi, vanana va ka Israyeli va di madhoropani kwawe, vathu votshe va to sengeletana ngu mbilu yimweyo, ka mtendela wu ku masoni ka Txike txa Mati; se ve gela mabhalani Ezra, ti to e neha dibhuku da Mlayo wa Mosi, a di Mkoma a nga ti ti leletete Israyeli.