Ezra 6:9 - Bhiblia Yo Sawuleka

⁹ Se ku txi laveka marole, sinvutana sa vamatune ni vamakati, kuva si txi na hiselwa Txizimu txa nzumani, fulaho, mnyu, vhinya ni mtona, madingano ni txitoloveto txa vaphaxeli vale va ku Jerusalema, va na ningwe ditshiku ni ditshiku, ku va va si pwati txilo.

Ezra 6:9 Referans Kwoze

Levhi 1:10

Ngako m'thu a txi lava kumaha mningelo wa mhamba yo hiswa ngu txihari txatxidotho, nvuta mwendo phongo, njihari txa matune, txo mbi limala,

Marku 9:49

“Nguko mmwani ni mmwani a na lungwa ngu mndilo, kufana ni mhamba yi lungwako ngu mnyu.

Isaya 49:23

Se vafumeli va na va vaxayise va vona, ni vasikati va kona va na va vamamisi vawe; va na namisa tikhohe hahatshi masoni kwako, ve dazela lithulu la mikondo yako, se u na tiziva ti to ani ngani Mkoma, ni ti to avale va ni thembako kha va na mbi wiswa tingana.

1 Makronika 9:29

Nguko kwawe, vokari va ti ni mthumo wo xayisa simaha, ni sotshe siya so sawuleka, sa mpupu wo tshura, ni sa vhinya, ni sa mtona, ni sa dibaselo, ni sa makha.

Levhi 9:2

A to khene ka Aroni: Teka dirole, kasi kumaha ngu dona mhamba yo kuwula txionho, ni hamba yo maha mningelo wo hiswa, sihari siya ngu si so mbi na sibawa, u na si ningela ka Mkoma.

Ezra 6:8

Na leleta kambe nipune, ati mi fanelako kumaha ngu madhota a Vajudha, kasi kuve aka Nyumba ya Txizimu, i ku ti taku, ngu tithomba ta mfumeli, ni timbasani ta mtxhatuko ka mnambo, mi na hakela ngu sona vavamna vava, ti taku va si thelwi dikhodho.

Ezra 6:10

Va txi na ningela mphaxo wo bhumula kha kwati ka Txizimu txa nzumani, ve kombelela wutomi wa mfumeli ni wa vanana vakwe.