Ezra 6:8 - Bhiblia Yo Sawuleka

⁸ Na leleta kambe nipune, ati mi fanelako kumaha ngu madhota a Vajudha, kasi kuve aka Nyumba ya Txizimu, i ku ti taku, ngu tithomba ta mfumeli, ni timbasani ta mtxhatuko ka mnambo, mi na hakela ngu sona vavamna vava, ti taku va si thelwi dikhodho.

Ezra 6:8 Referans Kwoze

Ezra 6:4

ni tinzila tiraru ta marigwi a hombe, ni yimwani nzila ya mapulango a maphya; si na dihelwa ngu mfumeli.

Hagayi 2:8

Txangu i silivhela, ni nzalama txhangu, kuwomba Mkoma wa Mabutho a Tiyimbi.

Ezra 5:5

Ngako maso a Txizimu ma nga ti ti txitimwi ka madhota a Vajudha, kha va nga va tsimba, kala kuza mhaka yi hoka ka Dhariyo, sekoko mhakeyo va to xamula ngu dipasi.

Ezra 4:23

Sekoko msana ka kuva di di gondilwe dipapilo da mfumeli Aritasasta, masoni ka Rewumi, ni Sinisayi, mabhalani wa kona, ni vangana vakwe, va to tsula ngu txikuluveta Jerusalema, veya tsimba Vajudha ngu ku va lwisa ngu manza.

Ezra 4:16

Athu koko hi txharihisa mfumeli ti taku di txo aketwa didhoropa dile, ni kuwuswa maguma a kona, tekela ku tiziva taku khu na mbi mana ni wawumwewo wukhalo kheno mtxhatuko ka mnambo.

Ezra 6:7

Va leke ka mthumo wa Nyumba ya Mkoma, kasi ku mfumeli wa Vajudha, ni vona Vajudha, ve aka Nyumba yiya ya Txizimu, ka wukhalo wa yona.

Ezra 6:9

Se ku txi laveka marole, sinvutana sa vamatune ni vamakati, kuva si txi na hiselwa Txizimu txa nzumani, fulaho, mnyu, vhinya ni mtona, madingano ni txitoloveto txa vaphaxeli vale va ku Jerusalema, va na ningwe ditshiku ni ditshiku, ku va va si pwati txilo.

Ezra 7:14

Eko u rumwa ngu mfumeli ni madhota akwe a mtxhanu ni mambidi, kuya maha bhalela kona Judha ni Jerusalema, madingano ni Mlayo wa Txizimu txako, wu ku manzani kwako.

Nehemiya 11:23

Nguko mfumeli a ti ti leletile mithumo yawe, ni ti to vaembeleli ve ningwa txyavelo txawe, mmweyo ni mmweyo ka ditshiku dakwe.

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.

Ezra 6:14

Se madhota a Vajudha ma ti ti aka, na va txi humeleliswa ngu kuprofeta ka mprofeti Hagayi, ni Zakariya mwana Idho; va to aka nyumba ve heta, madingano ni kuruma ka Txizimu txa ka Israyeli, ni kuruma ka Siro ni ka Dhariyo, ni ka ku Aritasasta, mfumeli wa Persiya.

Nehemiya 2:8

ni papilo yo ya ka Asafe, muwoneleli wa thembwe ya mfumeli, kasi ku a na ni ninga tiphande to aka ngu tona sike sa mkhokhola, ni ta diguma da didhoropa, ni ta nyumba yi ani ni no zumba ka yona. Se mfumeli a to ni ninga, madingano ni wunene wa dianza da Txizimu, txitimwi kwangu.