Ezra 6:3 - Bhiblia Yo Sawuleka

³ Ka dilembe do khata da kufuma ka Siro, mfumeli Siro a ningile txileleto txiya: Ngu didhawa da Nyumba ya Txizimu yiku Jerusalema, eyo nyumba yi na akwa ka wukhalo wule ku no ningelwa ka wona miphaxo, se makhato a kona ma nava ma di tsanisilwe. Kuguleka ka yona i nava ka mtxhanu wa magumi ni dimwedo a mikono, ni kuanama ka mtxhanu wa magumi ni dimwedo a mikono,

Ezra 6:3 Referans Kwoze

2 Makronika 36:22

Sekoko, ka dilembe do khata da kufuma ka Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, awu a nga kwangula ka dotshe ditiko dakwe, kumweko ni kubhala, a txi khene:

Mtuletelo 21:16

Didhoropa di ti ni mune wa makhona: Kulapha ka dona ku ti ti fana ni kuanama ka dona. Konako ngelozi yi to pima didhoropa ngu ndonga: Di ti ni 12.000 wa makilometru. Kulapha, kudemba ni kuanama ka fana.

Masalmo 122:4

Eyo ti kwelako tiya kona tihunzu, tona tihunzu ta Mkoma, ve fakazela mlayo wa Israyeli, kasi kuya dhumisa ditina da Mkoma.

2 Makronika 2:6

Kambe i mani a nga vako ni mtamo waku muakela nyumba, nguko hambi nzuma kala ka nzuma ya tinzuma kha eneli ka tona kani? Niku ni mani ani, wo ni nga muakela nyumba, yo hisela ka yona dibaselo masoni kwakwe kani?

Ezra 1:1

Ka dilembe do khata da Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, a nga kwangula ka dotshe ditiko dakwe, kumweko ni kubhala, a txi khene:

Ezra 3:7

Va to ningela male koko ka vale vo aka ngu marigwi, vo wilela, va yimwani mithumo, ve va ninga sakudya, so sela, ni mtona ka Vasidhoni ni ka Vatiro, kasiku va na ya wuya ngu Jope ni mapulango, ngu mnamboni ka Kedhari, ngako va nga ti ningilwe ngu Siro, mfumeli wa Persiya.

2 Makronika 2:3

Solomoni a to rumela dipswi ka Hiramu, mfumeli wa Tiro, a txi khene: Ngako u nga rumela tate wangu mikedhari yo aka ngu yona nyumba yo e zumba ka yona, ni mahele toneto nani.

Ezra 1:2

Mkoma, Txizimu txa nzuma, a ni ningile yotshe mifumo ya ha mafuni; se a ni rwekile ku mu akela nyumba kona Jerusalema, i ku kona Judha.

Ezra 6:14

Se madhota a Vajudha ma ti ti aka, na va txi humeleliswa ngu kuprofeta ka mprofeti Hagayi, ni Zakariya mwana Idho; va to aka nyumba ve heta, madingano ni kuruma ka Txizimu txa ka Israyeli, ni kuruma ka Siro ni ka Dhariyo, ni ka ku Aritasasta, mfumeli wa Persiya.