Ezra 6:21 - Bhiblia Yo Sawuleka

²¹ Ngu kumaha keto, vanana va ka Israyeli vale va nga ti wile ngu wukhumbini, va dyite Pasika, ni votshe vale va nga ti ti dhawukanisa ni wubihi wa vathu va mafu, va txi xota Mkoma, Txizimu txa ka Israyeli.

Ezra 6:21 Referans Kwoze

Ezra 9:11

ayile u nga rumela ni sithumi sako, i ku vaprofeti, u txi khawe: Ditiko diya mi wulelako ka dona kuya di teka, ditiko da nzambwa ngu mhaka ya wubihi wa vathu va dona, ngu sinyenyeko siya, asi amu ka wukanganyisi wawe, va ngadi tata, kukhukhela magwito an'ze magwito kambe.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Isaya 52:11

Khukhani, khukhani, humani emo, mi nga gweseni txilo txo mbi basa; humani hagari ka dona, ti sawulekiseni anu mi rwalako siya sa Mkoma.

Nehemiya 9:2

Se liveleko la ka Israyeli li to ti hambanisa ni votshe vamatiko, se ve ema ve ti tshanza ngu mhaka ya sionho sawe ni wubihi wa vatate vawe.

Ezra 9:1

Na ti di gwitile totsheto, va tile kwangu madhota ma txi ta kha ona: Vathu va ka Israyeli ni vaphaxeli, ni Valevhi, kha va zivi ku ti hambanisa ni vathu va matiko awa, ngu kulondisela sinyenyeko sa Vakanana, Vaheti, Vaferezi, Vajebhusi, Vaamoni, Vamowabhi, Vaegipta, ni Vaamori,

2 Vakorinto 6:17

Ngu toneto, “humani hagari kwawe, mi txi hambana navo. Mi nga gweseni txilo txo mbi basa, se ani ni na mi amukela, kuwomba Mkoma,”

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Masalmo 93:5

Mithetho yako, Mkoma, yi tsani ngutu, dithepele dako di hanelwa ngu wusawuleki kala kupinduka!

Nehemiya 10:28

Se vamwani vathu, vaphaxeli, ni Valevhi, ni va vawoneleli va sike, ni vaembeleli, vanetine ni votshe va va nga ti hambanisa ni vathu va matiko ka Mlayo wa Txizimu, vasikati vawe, vanana vawe va vafana, ni vanana vawe vamahorana, totshe titxhari, ni vale va nga ti ti ni mtamo wo pfisisa

2 Makronika 30:19

va longiselako timbilu tawe kasi kuve lava Mkoma Txizimu, Txizimu txa vatate vawe, hambi ku va sinziko ku ti sawulekisa.