Ezra 6:16 - Bhiblia Yo Sawuleka

¹⁶ Se vanana fa ka Israyeli, ni vaphaxeli, ni va ka Levhi, ni votshe vanana va wukhumbi, va to ningelisisa Nyumba yiya ya Txizimu ngu kutsaka.

Ezra 6:16 Referans Kwoze

2 Makronika 7:5

Se mfumeli Solomoni a to ningela mphaxo ngu kuthutha, 22.000 wa tihomu, ni 120.000 wa tinvuta; ngu kumaha keto, mfumeli ni votshe vanana va ka Israyeli, va to ningelisisa Nyumba ya Txizimu.

1 Vafumeli 8:63

Se Solomoni a to ningela mphaxo ngu kuthutha, mphaxo wu a nga wu maha ka Mkoma, 22.000 wa tihomu ta mikati, mbwa ni 120.000 wa tinvuta; ngu kumaha keto mfumeli ni votshe vanana va ka Israyeli, va to ningelisisa Nyumba ya Mkoma.

Vafilipiya 4:4

Tsakani ka Mkoma yotshe mbimo! Na engeta ni mi gela: Tsakani!

Johani 10:22

Jerusalema, ku ti ni m'buso wa Kusawulekiswa ka Dithepele. I ti wuxika.

Masalmo 122:1

Ni tsakile mbimo yi va nga kha vona kwangu: “A hi yeni Nyumbani ka Mkoma!”

Ezra 6:22

Se va to maha m'buso wa Mapawu o mbi Tshumbelwa, mndani ka mtxhanu wa masiku ni mbambidi, ngu kutsaka, nguko Mkoma a ti va tsakisile, na kambe a ti phemberusile mbilu ya mfumeli wa Asiriya e va dhunda, ni kutsanisa manza awe ka mthumo wa Nyumba ya Txizimu, Txizimu txa ka Israyeli.

Nehemiya 7:73

Se vaphaxeli, ni Valevhi, ni vawoneleli va sike, ni vaembeleli, ni vathu vokari, ni vanetine, ni votshe va ka Israyeli, va to zumba madhoropani kwawe.

Ezra 4:1

Mbimo yile valala va Judha ni Bhenjamini va nga engisa to kha vona, a vale va nga wuya ngu wukhumbini, va aka dithepele da Mkoma Txizimu txa Israyeli,

2 Makronika 30:26

Ku manekile kutsaka ka hombe Jerusalema, nguko kukhukhela ka masiku a Solomoni, mwana Dhavhidha, mfumeli wa Israyeli, kha yi khali kuhumelela mhaka yo fana ni yi kona Jerusalema.

2 Makronika 30:23

Wotshe msengeletano wu to pfana kuya masoni, ngu kumaha mibuso yo fana ni wule va nga wu maha, wa mtxhanu wa masiku ni mambidi, va di tsakile ngutu.

1 Makronika 15:28

Se votshe va ka Israyeli va to teka dibhokiso da txitumelelano txa Mkoma, ngu kutsaka ka hombe, na va txi veta mpfumawulo wa timbila ni mipundu ni titshodi, va txi maha diguwa da sitende ni tiharipa.

1 Makronika 9:2

Se vaaki vo khata, vale va nga ti zumba ka makhalo awe, ni ka madhoropa awe, i ti ti va ka Israyeli, ni vaphaxeli, ni Valevhi, ni Vaneti.

Dhewuteronome 12:7

Se mi na ya dya masoni ka Mkoma, Txizimu txanu, mi na ya tsaka ngu wotshe mthumo wa manza anu, anu ni yotshe mimwaya yanu, mi tsakela asi Mkoma, Txizimu txanu, a no va a di mi katekisile ngu sona.

Nehemiya 12:43

Ka ditshiku donedo va to maha mphaxo wa hombe, ve tsaka, nguko Txizimu txi ti ti va ningile litsako la hombe. Se vavasikati ni vanana va to tsaka ni vona. Ngu mamahelo eyo kutsaka ka Jerusalema ku to pfala kule.

Nehemiya 8:10

A to va gela kambe ku khene: Tsulani mi ya tidyela tinyama to nona, mi sela ni so lombela, mi rumela sakudya ka vale va nga mba ti longisela txilo; nguko ditshiku diya di sawulekile ka Mkoma wathu; ngu toneto mi nga ti xanise, nguko kutsaka ka Mkoma mtamo wanu.

1 Vafumeli 8:62

Se mfumeli ni votshe va ka Israyeli, va to phaxa miphaxo masoni ka Mkoma.

Dhaniyeli 5:13

Sekoko Dhaniyeli a to yiswa masoni ka mfumeli. Mfumeli a to womba, atxi khene ka Dhaniyeli: Ngawe Dhaniyeli, wule wa tikhumbi ta ka Judha, atile mfumeli, tate wangu, a nga wuya na to ngu Judha kani?

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

Nehemiya 12:27

Se ka mbimo ya kuningelisiswa ka diguma da Jerusalema, ku to lwa Valevhi ka otshe makhalo awe, kasi ku ta maha mthumo wo ningelisisa ngu kutsaka, va txi dhumisa, ni tindando, ni sitende, misengele ni tiharipa.