Ezra 6:11 - Bhiblia Yo Sawuleka

¹¹ Kambe na leletela ani nipune taku ni wihi wamwamna wule a no phemberusa txileleto txiya, ku na thaviswa phande yimweyo nyumbani kwakwe, yi emiswa, na a ti hayekilwe ka yona, se nyumba yakwe yi na maha ditala.

Ezra 6:11 Referans Kwoze

Dhaniyeli 3:29

Ani koko na veka mthetho, awu votshe vathu, matiko, tidimi, va no womba wubihi ngu Txizimu txa Xadreke, ni Mixake, ni Abhedhi-Nego, va na gangelwe, ni tinyumba takwe ti na mahwe matala; nguko kha ku na tximwani txizimu txi sikotako kuhulukisa kufana ni txiya.

Dhaniyeli 2:5

Se mfumeli a to xamula Vakaldheya a txi khene: A ti ninga lora ti mwalate! Kambe, ngako mi txi tandeka ku ni gela mloro ni txhamuselo ya wona, mi na phatulelwa, ni tinyumba tanu ti na mahwa matala.

Ezra 7:26

Ni wihi a no mbi xayisa mlayo wa Txizimu txako ni mlayo wa mfumeli, a na lamulwe koneho, mwendo ngu dawa, mwendo ngu dihiswa, mwendo kuñolelwa siya sakwe, hambi kukhotelwa.

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

Esteri 5:4

Se Esteri a to khene: Ngako ti txi woneka i di tinene ka mfumeli, a nate mfumeli ni Hamani nyamsi ka m'buso wule ni nga lulamisela mfumeli.

2 Vafumeli 10:27

Kambe va fayetete txithombe txa Bhahali, ve khundumusela nyumba ya Bhahali, ve aka ngu yona sisambelo kala ka ditshiku da nyamsi.

2 Vafumeli 9:37

Se txirumbi txa Jezabheli txi na nga sinoniso amu thembweni, ka wukhalo wa wudotho wa Jezireyeli, ti si koteki ku m'ziva taku awuwa i Jezabheli.