Ezra 5:8 - Bhiblia Yo Sawuleka

⁸ Ti na zivaneke ka mfumeli taku athu hi tsute ka ditiko da ka Judha, ka Nyumba ya Txizimu txa hombe, yi akwako ngu marigwi a hombe, se ka vekwetelwa mapulango txitimwi ka maseta; se mthumo wa kuluvetiswa ngu manza awe.

Ezra 5:8 Referans Kwoze

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.

Dhaniyeli 4:2

Ni to wona ti to ndinene kwangu ku ni mi komba sikombiso ni sidiwukiso si Txizimu, Nyatxitimwi, txi ni mahelako.

Dhaniyeli 3:26

Sekoko Nebhukodhonosori a to tshuketa haditimbani ka txikho txa mndilo wo tura ngutu; e kwangula a txi khene: “Xadreke, Mixake, Abhedhi-Nego, anu sithumi sa Txizimu Nyatxitimwi, humani, ngonani kheno!” Sekoko Xadreke, Mixake ni Abhedhi-Nego va to huma ngu hagari ka mndilo.

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Masalmo 145:3

Mkoma mbwa hombe, kambe ana ni fanelo yo dhumiswa ngutu, wuhombe wakwe kha wu sikoti kupimwa.

Esteri 1:22

Sekoko mfumeli a to rumela mapapilo ka otshe matiko a hombe a mfumeli, ka ditiko dimwani ni dimwani da hombe ni mibhalo ya dona, ni ka vathu vamwani ni vamwani ngu lidimi lawe: Taku wamwamna mmwani ni mmwani a na fumele nyumba yakwe; ni ku eto ti na ziviswe ka votshe vathu, madingano ni lidimi la mmwani ni mmwani.

Esteri 1:1

Se ku to maheka tito, ka masiku a Asuwero (awuwa i Asuwero wule a fumela 127 wa matiko a hombe; kukhukhela Indiya kala Etiyopiya);

Nehemiya 11:3

Se a vava mba thangeli va ditiko va nga aka Jerusalema (se ka madhoropa a Judha mmwani ni mmwani a ti ti akile ka wukhalo wakwe, ka madhoropa awe, i ku vava: Vaisrayeli, vaphaxeli, ni Valevhi, ni Vaneti, ni vanana va tikhumbi ta Solomoni.)

Nehemiya 7:6

Avava ngu vona vanana va ditiko, va nga huma ngu wukhumbini, vale va nga ñolwa e tsula navo Nebhukodhonosori, mfumeli wa Bhabhilona; se va to tshumela ve wuya Jerusalema, ni Judha, mmweyo ni mmweyo e tsula dihoropani kwakwe.

Ezra 7:23

Ni tihi tile ti no leletelwa, madingano ni kuruma ka Txizimu txa nzumani, ti na mahiswe toneto Nyumbani ka Txizimu txa nzumani, nguko txi ndi na tela txani txiviti txitimwi ka mfumo wa mfumeli ni ka vanana vakwe kani?

Ezra 6:10

Va txi na ningela mphaxo wo bhumula kha kwati ka Txizimu txa nzumani, ve kombelela wutomi wa mfumeli ni wa vanana vakwe.

Ezra 2:1

Avava ngu vona vanana va ditiko da hombe, va nga huma ngu wukhumbini, avale Nabhukodhonozori mfumeli wa Bhabhilona a nga ti ti va yisile Bhabhilona, se va to wuya Jerusalema ni Judha, mmweyo ni mmweyo m'tini kwakwe,

Dhewuteronome 32:31

Nguko dirigwi dawe kha di fani ni Dirigwi dathu, ni valala vathu ndifakazi ta mhakeyo.

Dhewuteronome 10:17

Nguko koko Mkoma, Txizimu txanu, Njizimu txa sizimu, Mkoma wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa.

Ezra 5:7

Va to mrumela matina, na ku ti bhatwe taku: Ku naveho kotshe kuthutha ka mfumeli Dhario.

Ezra 5:9

Sekoko hi to wotisa madhota ku khathu: I mani a nga mi ruma kuaka nyumba yiya, ni kuwusa diguma diya kani?

Ezra 6:4

ni tinzila tiraru ta marigwi a hombe, ni yimwani nzila ya mapulango a maphya; si na dihelwa ngu mfumeli.