Ezra 5:7 - Bhiblia Yo Sawuleka

⁷ Va to mrumela matina, na ku ti bhatwe taku: Ku naveho kotshe kuthutha ka mfumeli Dhario.

Ezra 5:7 Referans Kwoze

2 Vatesalonika 3:16

Mkoma wa kudikha a na mi ninge kudikha yotshe mbimo ni otshe makhalo. Mkoma a nave ni nanu motshe.

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Dhaniyeli 6:21

Sekoko Dhaniyeli a to khene ka mfumeli: Awe mfumeli, hanya ngu ha ku sigwitiko!

Dhaniyeli 4:1

Mfumeli Nebhukodhonosori a to rumela mhaka ka otshe matiko, mifumo ni ka vathu va totshe tidimi, vale va nga aka kotshe ha mafuni, a txi khene: Kudikha ku na ande hagari kwanu!

Dhaniyeli 3:9

Se va to womba va txi kha vona ka mfumeli Nebhukodhonosori: Awe mfumeli, hanya kala kupinduka!

Ezra 4:17

Se mfumeli a to rumela xamulo yiya. “Ka Rewumi, mthangeli, ni ka Sinisayi mabhalani wa kona, ni ka vamwani vale a nga ti kumweko navo, va nga ti ti zumba Samariya; a to rumela kambe ka votshe vale va nga ti ti sate mtxhatuko ka mnambo a txi khene: Kuthutha! Ngu mbimo ya kona!”

Ezra 5:6

Dipapilo da Tatenayi mfumeli wa mtxhatuko ka mnambo, ni Setari-Bhozenayi, ni vangana vawe, Vafarsaki, va nga ti ti mtxhatuko ka mnambo, va to di heleketa ka mfumeli Dhariyo.

Ezra 5:8

Ti na zivaneke ka mfumeli taku athu hi tsute ka ditiko da ka Judha, ka Nyumba ya Txizimu txa hombe, yi akwako ngu marigwi a hombe, se ka vekwetelwa mapulango txitimwi ka maseta; se mthumo wa kuluvetiswa ngu manza awe.