Ezra 5:12 - Bhiblia Yo Sawuleka

¹² Aniko msana kakule vatate vathu va nga wusela txiviti Txizimu txa nzuma, txi to va ningela manzani ka Nebhukodhonosori, mfumeli wa Bhabhilona, Mkaldheya, awule a nga khundumusa nyumba yiya, vathu va kona e va tsulisa Bhabhilona.

Ezra 5:12 Referans Kwoze

Dhaniyeli 9:5

hi onhile, hi mahile to biha, hi tsimbite ngu kuonhetela, kambe hi eyisile, hi lekile sirumo sako, ni sileleto sako;

2 Vafumeli 24:2

Se Txizimu txi to rumela Vakaldheya kuya lwisa Jehoyakimu, ni masotxhwa a Vasiro, ni masotxhwa a va ka Mowabhi, ni masotxhwa a vanana va Amoni; a to va rumela kuya lwisa Judha, kasi kuya va fuvisa, madingano ni dipswi dile Mkoma a nga ngadi womba, ngu mthumoni ka sithumi sakwe, i ku vaprofeti.

Jeremiya 5:29

Ina ani na mbi tsayisa silo siya kani? Kuwomba Mkoma. Na mbi pharela ka ditiko do nga dona diya kani?

Masalmo 106:40

Ngu toneto, Mkoma a to henyela vathu vakwe, e tsukula vathu va i kuthomba yakwe.

2 Vafumeli 25:1

Se ku to maheka ti to ka dilembe da mtxhanu ni mune da kufuma ka Zedhekiya, ka mtxima wa digumi, ngu ditshiku da digumi ka mtxima, Nabhukodhonozori mfumeli wa Bhabhilona ni otshe masotxhwa akwe, va to wuka ve randela Jerusalema, va to aketela sitshingelelo ka otshe madhawa.

Valamuli 6:1

Aniko vanana va ka Israyeli, va to engeta ve maha kubiha masoni ka Mkoma; se Mkoma a to va ningela manzani ka Vamidhiyani, amu ka mtxhanu wa malembe ni mambidi.

Valamuli 4:2

Se Mkoma a to va ningela manzani ka Jabhini, mfumeli wa Kanana, a nga ti fumela Hazori; se Sisera i ti ti nduna ya dibutho da kona, awule a nga ti akile Haroseti-wa vamatiko.

Valamuli 2:14

Ngu kumaha keto, kuhenya ka Mkoma ku to wukela va ka Israyeli, se e va ningela manzani ka makhamba, ma txi va pela; kambe a to va ningela manzani ka valala vawe vale va nga ti ti va ranganyetile; se kha va nga sikota kukhukha va txi ema kambe masoni ka valala vawe.

Dhewuteronome 32:30

Ti nga kotekisa kutxani ti to m'thu wammweyo e tutumisa 1.000 wa vathu, ni vathu vambidi va nga sikotisa kutxani kuhinga 10.000 wa vathu, i si nga Mkoma, Dirigwi dawe, a nga va xavisa, kambe i si nga Mkoma a nga va ningela kani?

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Jeremiya 52:12

Se ngu mtxima wa wutxhanu, ka ditshiku da wugumi da mtxima (i ti dilembe da wugumi ni mtxhanu ni mune da kufuma ka Nebhukodhonosori), a tile Nebhuzaradhani, mthangeli wa vawoneleli, awu a nga txi wonelela mfumeli, va to wulela Jerusalema.

2 Makronika 36:20

Ava va nga huluka kudawa ngu ditxhari, a to va teka ve yiswa Bhabhilona; se veya mahwa tikhumbi takwe ni ta vanana vakwe, kala ka mbimo ya mfumo wa Persiya,

Isaya 47:6

Ni va henyete ngutu vathu vangu, ni nyenyezisile thomba yangu, se ni va ningete manzani kwako; khwa va pfela wusiwana, hambi txitimwi ka sikosana, u nemetile ngutu dikange dako.

Jeremiya 51:59

Dipswi di a nga rumela Jeremiya mprofeti, ka Serayasi, i nga ti ti mthangeli hahatshi ka mlayo wa Zedhekiya, mfumeli wa Judha, kona Bhabhilona, ka dilembe da wumune da kufuma kwakwe; kambe Serayasi i ti ti mthangeli wo thutha.