Ezra 5:1 - Bhiblia Yo Sawuleka

¹ Se mprofeti Hagayi, ni Zakariya, mwanana wa Idho, va to profeta ka Vajudha vale va nga ti ti zumba Judha, ni Jerusalema; ve profetela ngu ditina da Txizimu txa Israyeli.

Ezra 5:1 Referans Kwoze

Hagayi 1:1

Ka dilembe da wumbidi da mfumeli Dhariyo, ka mtxima wa wutxhanu ni wumwewo, ka ditshiku do khata da mtxima, kutile dipswi da Mkoma ngu ka mprofeti Hagayi, ka Zorobhabheli, mwana Salatiyeli, mthangeli wa Judha, ni ka Joxuwa, mwana Jozadhake, mphaxeli wa hombe, di txi kha dona:

Mika 5:4

Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.

Ezra 4:24

Se ku to ema kuakwa ka Nyumba ya Mkoma, a nga ti ti maneka Jerusalema, ku to ema kala ka dilembe da wumbidi da kufuma ka Dhariyo, mfumeli wa Persiya.

Ezra 6:14

Se madhota a Vajudha ma ti ti aka, na va txi humeleliswa ngu kuprofeta ka mprofeti Hagayi, ni Zakariya mwana Idho; va to aka nyumba ve heta, madingano ni kuruma ka Txizimu txa ka Israyeli, ni kuruma ka Siro ni ka Dhariyo, ni ka ku Aritasasta, mfumeli wa Persiya.

Hagayi 2:18

Sekoko vekani, ani na mi khongotela, kukhukhela ka diya ditshiku ni kuya masoni, kukhukhela ka ditshiku da magumi mambidi ni mune ka mtxima wa wutxhanu ni mune, kukhukhela ka ditshiku di ku nga khatwa kuakwa Dithepele da Mkoma, vekani timbilu tanu ka timhaka tiya.

Zakariya 8:9

A womba tiya Mkoma wa Mabutho a Tiyimbi: Ma na ti karate manza anu motshenu, mi nga engisa masikwanano mapswi awa a vaprofeti, vale va nga ti tiho, ka ditshiku dile ku nga vekwa makhato a Nyumba ya Mkoma wa Mabutho a Tiyimbi, kasi ku dithepele di mana kuakwa.

Hagayi 1:3

Sekoko dipswi da Mkoma, di tile ngu ka mprofeti Hagayi, di txi ta kha dona: