Ezra 4:7 - Bhiblia Yo Sawuleka

⁷ Ka masiku ya Aritasasta, Bhisilamu, Mitredhate, Tabhili, ni vamwani vangana vakwe, va to bhalela Aritasasta, mfumeli wa Persiya; dipasi di ti ti bhatwe ngu mibhalo ya Txiharamu, aniko ngu lidimi la Txisiriya.

Ezra 4:7 Referans Kwoze

2 Vafumeli 18:26

Sekoko Eliyakimu mwana Hilikiya, ni Sebhina, ni Jowa, va to kha vona ka Rabhisake: Hi kombela ti to u womba-womba ka sithumi sako ngu Txisiriya, nguko ha txi ziva; u nga hi angule ngu Txihebheru, nguko ti nga pfiwa ngu votshe vale va ku txitimwi ka diguma.

Dhaniyeli 2:4

Se Vakaldheya va to kha vona ka mfumeli ngu txisiriya: Awe mfumeli, hanya kala kupinduka! Hi gela mloro athu sithumi sako, hi na wutxhamusela.

Isaya 36:11

Sekoko Eliyakimu, ni Sebhina, ni Jowa, va to kha vona ka Rabhisake: Hi kombela ti to u womba-womba ka sithumi sako ngu Txisiriya, nguko ha txi ziva kha kwati; kambe u nga hi angule ngu Txijudha, tinzeveni ka vathu va va ku txitimwi ka diguma.

Ezra 4:17

Se mfumeli a to rumela xamulo yiya. “Ka Rewumi, mthangeli, ni ka Sinisayi mabhalani wa kona, ni ka vamwani vale a nga ti kumweko navo, va nga ti ti zumba Samariya; a to rumela kambe ka votshe vale va nga ti ti sate mtxhatuko ka mnambo a txi khene: Kuthutha! Ngu mbimo ya kona!”

Ezra 4:9

Sekoko Rewumi, mthangeli, kumweko ni Sinisayi mabhalani wa kona, ni vamwani va vangana vawe, va to bhala tiya: Vadhinati ni Vafarsaki, Vatarpeli ni Vafarisita, Vaarkevhi ni Vabhabhilona, Vasusaki ni va ka Dheha, ni Vaelami,

Ezra 5:6

Dipapilo da Tatenayi mfumeli wa mtxhatuko ka mnambo, ni Setari-Bhozenayi, ni vangana vawe, Vafarsaki, va nga ti ti mtxhatuko ka mnambo, va to di heleketa ka mfumeli Dhariyo.

Ezra 4:1

Mbimo yile valala va Judha ni Bhenjamini va nga engisa to kha vona, a vale va nga wuya ngu wukhumbini, va aka dithepele da Mkoma Txizimu txa Israyeli,

Ezra 4:8

Vamabhalani va kona koko i ti ti Rewumi, mthangeli, ni Sinisayi, mabhalani, dipapilo do wukela Jerusalema, ka mfumeli Aritasasta, ngu mamahelo awa.

Ezra 8:36

Sekoko txileleto txa mfumeli txi to gelwa vaxayisi va wukoma, ni ka vafumeli va mtxhatuko ka mnambo; va to vhuna vathu ni Nyumba ya Txizimu.

Ezra 7:1

Se ti di pindile totsheto, ka mbimo ya kufuma ka Aritasasta, mfumeli wa Persiya, Ezra mwana Seraya, mwana Azariya, mwana Hilikiya,

Nehemiya 2:1

Ku to maheka koko tito, ka mtxima wa nisani, ka dilembe da magumi mambidi a kufuma ka mfumeli Aritasasta, ku ti ti vekilwe vhinya masoni kwakwe, se ani ni to teka vhinya ni thelela mfumeli; aniko ni si khali kukarateka masoni kwakwe.

Dhaniyeli 11:2

Se konkuwa, ni lava ku kugela ditshuri: Wona taku ku na maneka vafumeli vararu kona Persiya, aniko wa wumune a na va wa thomba yayingi kupinda votshe; kambe ngu mhaka ya tithomba takwe, a na kuzetela votshe kuve wukela mfumo wa Gresiya.