Ezra 4:3 - Bhiblia Yo Sawuleka

³ Sekoko Zorobhabheli ni Jesuwa, ni vamwani vathangeli vavatate va ka Israyeli, va to kha vona: Kha ti laveki ati to anu ni nathu hi akela nyumba Txizimu txathu; aniko athu hokha, hi na muakela nyumba Mkoma, Txizimu txa ka Israyeli, nga ti hi nga leletiswa tona ngu mfumeli Siro, mfumeli wa Persiya.

Ezra 4:3 Referans Kwoze

Nehemiya 2:20

Sekoko, ni to va xamula ni txi khani: Txizimu txa nzumani, ngu txona txi no hi humelelisa; se athu sithumi sa txona, hi na khukha hi aka; kambe anu kha mi na txyavelo, hambi fanelo, ni txyalakanyiso amu Jerusalema.

Mithumo 8:21

Ka mhaka yiya khu na txyavelo hambi thomba, nguko mbilu yako kha ya lulama masoni ka Txizimu.

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Isaya 45:4

Ngu kuranda txithumi txangu Jokobe, ni Israyeli, msawulwa wangu, ani kwako, ni na kudhana ngu ditina dako; ni ku ningile txibongo txako, hambi ku u nga si ni zivi.

Isaya 44:28

ni wombako ngu Siro, ni txi khani: M'dyisi wangu, a na maha totshe ti ti ni tsakisako; a txi khene kambe ka Jerusalema: U na aketwa; se ni ka dithepele a txi khene: Ti akete.

2 Makronika 36:22

Sekoko, ka dilembe do khata da kufuma ka Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, awu a nga kwangula ka dotshe ditiko dakwe, kumweko ni kubhala, a txi khene:

Johani 4:9

Wamsikati wule wa Msamariya a to mu xamula a txi khene: “Ti nga mahisa kutxani awe u ku Mujudha kukombela mati kwangu ni ku Msamariya kani?” (Nguko Vajudha kha va tolovelani ni Vasamariya).

Ezra 1:1

Ka dilembe do khata da Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, a nga kwangula ka dotshe ditiko dakwe, kumweko ni kubhala, a txi khene:

Ezra 1:2

Mkoma, Txizimu txa nzuma, a ni ningile yotshe mifumo ya ha mafuni; se a ni rwekile ku mu akela nyumba kona Jerusalema, i ku kona Judha.

Ezra 3:8

Se ka dilembe da wumbidi da kuta kwakwe Jerusalema Nyumbani ka Txizimu, ka mtxima wa wumbidi, Zorobhabheli, mwana Seyaltiyeli, ni Jesuwa mwana Jezadhake, ni vamwani vanawe, vaphaxeli ni Valevhi, ni votshe vale va nga wuya Jerusalema ngu wukhumbini, va to emisa Valevhi va tanga ya magumi mambidi a malembe ni kuya masoni, kasiku ve rwala mthumo wa kuakwa ka Nyumba ya Mkoma.

Ezra 1:3

Ni wihi a kuho hagari kwanu, ka votshe vathu vakwe, Txizimu txakwe txi nave ni nene, a na kwelele eya Jerusalema, i ku kona Judha, eya aka Nyumba ya Mkoma, Txizimu txa Israyeli; nguko ene Njizimu txi zumbako Jerusalema.