Ezra 4:2 - Bhiblia Yo Sawuleka

² va tile ka Zorobhabheli ni ka vathangeli vavatate ve ta kha vona: Hi lekeni hi aka ni nanu, nguko, ku nga anu, hi na xota kumweko Txizimu txanu; nga kule nathu hi txi phaxelako kukhukhela ka masiku a Esari-Edhomi, mfumeli wa Asuri, i ku ene a nga hi ruma kuta hawa.

Ezra 4:2 Referans Kwoze

2 Vafumeli 19:37

Mbimo yile a nga ti namile nyumbani ka txizimu txakwe Nisiroke, vanana va kona i ku Adrameleki ni Saresari, va to m'daya ngu ditxhari; hambi keto, va to thavela ditikoni ka Ararati; se mwanana wa kona Esari-Hadhomi, a to fuma ka wukhalo wakwe.

2 Vafumeli 17:24

Se mfumeli wa Asiriya a tisile vathu ngu Bhabheli, ni Kuta, ni Avha, ni Hamati, ni Sefarivhayimi, e ta va akisa madhoropani ka Samariya, wukhaloni ka vanana va ka Israyeli; va to teka Samariya e maha thomba yawe, ve zumba ka madhoropa a kona.

2 Timoti 3:8

Kufana ni kuwa Janesi ni Jambresi va nga eyisa Mosi, ngu toneto ni vona vava va kanetako ditshuri. I vathu va va nga onheka mapimo, va likholo lo mbi tsana.

Vagalatiya 2:4

mhaka yiya yi wusilwe ngu va va ti wombako ku mbanathu, na kasi makuhu; evo va ti ko txholovela hagari kwathu ngu kukanganyisa, kasi kumbwingamela kuwona wuthuseki wathu, awu wu tako ngu ka Kristu Jesu, kufela kuve tshumela ve hi wuleta wukhumbini.

Hoseya 14:3

Asiriya kha na mbi hi hulukisa, kha hi na mbi tsula hi di gadhile mahantxhi, ka mithumo ya manza athu, kha hi na mbi womba kambe ku khathu: Awe u Txizimu txathu; nguko ngu ngawe, awule wo felwa ngu vaveleki, a na mahelwa wumbilu.

Isaya 37:37

Konako, Senakeribhe, mfumeli wa Asiriya, a to khukha, e ti tsulela, se e tshumela, eya zumba Ninivha.

Masalmo 73:8

Va poyilela va txi womba-womba kubiha, va txi kha vona kwa mbi lulama kuta ngu ka Txizimu.

Ezra 3:12

Sekoko wungi wa vaphaxeli ni Valevhi, ni vathangeli va vatate, sikosana, va nga wona nyumba yo khata kuakwa ka yona, ve yi wona masoni kwawe nyumba yiya, va to dila ngu mapswi o guleka; aniko votala va to guleta mapswi awe ngu kutsaka ni kunengela.

Ezra 3:2

Se Jesuwa mwana Jezadhake, ni vanawe, ni vaphaxeli, ni Zorobhabheli, mwana Sealtiyeli, ni vanawe, va to aka txiluvelo txa Txizimu txa Israyeli, txo ningelela kona miphaxo, nga tile ti nga bhalwa Mlayoni ka Mosi, m'thu wa Txizimu.

Ezra 2:2

i ku vale va nga wuya ni Zorobhabheli, ni Jesuwa, ni Nehemiya, ni Seraya, ni Rehelaya, ni Mordhekayi, Bhilisa, Misipani, Bhigvhayi, Rewumi ni Bhahana. Ka vathu va ka Israyeli, mtengo wa vavamna ngu wuwa:

Ezra 1:5

Sekoko vathangeli va vatate va miti ya tihunzu ta ka Judha ni Bhenjamini, ni vaphaxeli, ni Valevhi, ni votshe vale Moya wa Txizimu wu nga va wusa, va to ya kuya aka Nyumba ya Mkoma, wu a ku Jerusalema.

2 Vafumeli 17:41

Ngu kumaha keto, mifumo yiya yi txi thava Mkoma, ni kuthumela sithombe sawe so vatwa; nga tile va nga maha vatate vawe; va mahisa toneto ni vona vanana vawe, ni vanana va vanana vawe, kala ka ditshiku da nyamsi.

Genesisi 10:11

Nimrodhe a khukhete ka dona ditiko dile, eya Asiriya, a nga aka Ninivha, ni Rehobhoti-Iri, ni Kala

Nehemiya 9:32

Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

Isaya 37:38

Se ku to maheka taku, na a di namile nyumbani ka Nisiroke, txizimu txakwe, vanana vakwe i ku Adrameleki ni Saresari, va to m'daya ngu ditxhari; se va to tutuma veya ditikoni ka Ararati. Esari-Hadhomi, mmweyo wa vanana vakwe, a to fuma ka wukhalo wa tate wakwe.