Ezra 4:15 - Bhiblia Yo Sawuleka

¹⁵ Ati to ku na xolwe ka dibhuku da matimu a vatate vako, emo ka dibhuku da matimu, u na tiziva konemo ti to didhoropa dile ndo akwa ngu kanu, do wukela vafumeli ni matiko a hombe a mndani ka ditiko, niku kuve ni kuwukelwa ka dona ka timbimo ta kale.

Ezra 4:15 Referans Kwoze

Ezra 4:12

Ti zive awe mfumeli taku Vajudha vale va nga khukha ngu kheyo kwako veta kwathu Jerusalema, se va aka ngu kanu didhoropa, ni kuwusa maguma a kona, ni kululamisa sitsaniso sa kona.

Nehemiya 6:6

Se ka dona ku ti bhatwe tiya: Ku pfate hagari ka vathu ni ka Geseni kuwombwa tito, awe ni Vajudha mi lava kumaha txigirimuka, nguko mi akako diguma; niku awe u ti maha mfumeli wawe, madingano ni kuwomba ka mapswiyo;

Nehemiya 2:19

Se mbimo yile a nga tiengisa Sambalati, Muhoroni, ni Tobhiya, txithumi txa Muamoni, ni Gesemi, Muharabhi, va to hiseka, ve hi txhipisa, va txi kha vona: Nda txani tona ti mi mahako kani? Mo lava kuwukela mfumeli kani?

2 Vafumeli 25:4

sekoko didhoropa di to khundumuswa, se votshelele valwi va yimbi va to tutuma ni wusiku ngu haditimbani diku hagari ka maguma mambidi hafuhi ni thembwe ya mfumeli (nguko Vakaldheya va ti ti randete didhoropa ngu hahanze); se mfumeli a pfhukile ngu nzila ya libalani.

2 Vafumeli 24:20

Se ti mahisile tiya ngu mhaka ya txiviti txa Mkoma txitimwi ka Jerusalema ni ka Judha, eza e va nyenya masoni kwakwe; se Zedhekiya a to wukela mfumeli wa Bhabhilona.

Ezra 4:14

Sekoko, ngako hi holiswako ngu wukoma, na kuve kha ti hi dingani kuwona kwa mbi dhundeka ka mfumeli, ngutxo txi hi mahako hi rumela txiziviso ka mfumeli.

Ezra 4:16

Athu koko hi txharihisa mfumeli ti taku di txo aketwa didhoropa dile, ni kuwuswa maguma a kona, tekela ku tiziva taku khu na mbi mana ni wawumwewo wukhalo kheno mtxhatuko ka mnambo.

Esteri 2:23

Va to xolisisa mhaka, se yi maneka ti to yi tsani; ngu wumbidi wawe va to hayekwa ve txikitwa. Eto ti bhatwe ka dibhuku da matimu, masoni ka mfumeli.