Ezra 4:13 - Bhiblia Yo Sawuleka

¹³ Konkuwa a na ti zive mfumeli taku, ngako di txo aketwa didhoropa dile, maguma a dona me wuswa, kha va na mbi dihela madingano, i ku tiresa ni timbasani; se yi na hangalakisa toneto thomba ya mfumeli.

Ezra 4:13 Referans Kwoze

Ezra 7:24

Kambe ha mi zivisa ngu mhaka ya votshe vaphaxeli, ni Valevhi, ni vaembeleli, ni vaxayisi va matimba, ni Vanetine, ni vathumi va Nyumbani ka Txizimu, va si dinganiko kuresiswa, hambi kutheliswa mbasani.

Nehemiya 5:4

Kambe ku ti ni va va nga ti ti kha vona: Hi tekile male yi hi nga lomba, hambi male ya nduwo ya mfumeli, hi tsanisa ngu tithembwe tathu ni mivhinya yathu.

Matewu 17:25

Ene a va xamute a txi khene: “Ina, wa humisa.” Mbimo yi a nga wulela nyumbani, Jesu a to thanga ene a txi khene ka Pedro: “U wona txani ngu mhaka yiya, awe Simoni, kani? Vafumeli va ha mafuni va sengisa ni kukhupisa vamani kani? Va khupisa vanana vawe, mwendo va khupisa vamatiko kani?”

Matewu 9:9

Ngako Jesu a txi ya masoni, a to wona m'thu a nga ti dhanwa ku i Matewu, awu a nga ti khalahatshile ha wukhaloni ka kukhupisa, se a txi khene kwakwe: “Ni londise!” Se ene a to khukha e mu londisa.

Masalmo 119:69

Vathu vo ti kulisa va luka makuhu ve ni lumbeta; aniko ani ni na vekisa sileleto sako ngu yotshe mbilu yangu.

Masalmo 52:2

U pimisa kumaha to biha dwe ka vamwani; lidimi lako li fana ni txigatxani txo hinda, li sika makuhu.

Ezra 4:20

Hambu keto ku ti ti ni vafumeli va mtamo ngutu txitimwi ka Jerusalema, va nga khozisa otshe makhalo na va ti mtxhatuko ka mnambo, va txi ningwa timale, tiresa ni timbasani.

Ezra 4:14

Sekoko, ngako hi holiswako ngu wukoma, na kuve kha ti hi dingani kuwona kwa mbi dhundeka ka mfumeli, ngutxo txi hi mahako hi rumela txiziviso ka mfumeli.