Ezra 4:12 - Bhiblia Yo Sawuleka

¹² Ti zive awe mfumeli taku Vajudha vale va nga khukha ngu kheyo kwako veta kwathu Jerusalema, se va aka ngu kanu didhoropa, ni kuwusa maguma a kona, ni kululamisa sitsaniso sa kona.

Ezra 4:12 Referans Kwoze

Ezra 5:9

Sekoko hi to wotisa madhota ku khathu: I mani a nga mi ruma kuaka nyumba yiya, ni kuwusa diguma diya kani?

Ezra 5:3

Ka yona yile mbimo a tile kwawe Tatenayi, mfumeli wa mtxhatuko ka mnambo, ni Setari-Bhozenayi, ni vangana vakwe va txi ta kha vona: I mani a nga mi ruma kuaka nyumba yiya, ni kuwusa diguma kani?

2 Makronika 36:13

Hahanze keto, a to wukela mfumeli Nebhukodhonosori, wule a nga ti ti mxambanyisile ngu ditina da Mkoma; kambe a ti bangisile msungo ni mbilu yakwe, asi tshumeleli ka Mkoma, Txizimu txa Israyeli.

1 Vatesalonika 5:22

Vayilelani sotshe so biha.

Mithumo 24:5

Hi mani m'thu wuwa i ku mtungu a wusako mazunga hagari ka votshe Vajudha va ditiko. Ene i mthangeli wa mtxawa wa Vanazareta.

Luka 13:34

Jerusalema, Jerusalema, awe u dayako vaprofeti, u txi va balisela ngu marigwi ava va nga rumwa kwako, nzikhati singani, ni nga lava kusengeleta vanana vako, nga khukhu yi fundamelako sisondo sa yona hahatshi ka mabhapi a yona, kambe khwa ti lava.

Dhaniyeli 9:25

Tizive u pfisisa, kukhukhela kuhumani ka txileleto txa kutshumetela ni kuaketa Jerusalema kala ka Mesiya, Mthangeli, ku nava ni mtxhanu wa mavhiki ni mambidi, ni mtxhanu wa magumi ni dimwedo a mavhiki ni mavhiki mambidi, magondo ni madhoropa si na aketwa; kambe ngu mbimo ya xomulo.

Jeremiya 52:3

Ngu kota yeto ku to maheka tito, ngu mhaka ya kuhenyelwa ka Jerusalma ni Judha ngu Mkoma, ene a to va tshotsha kule nayo; se Zedhekiya a to wukela mfumeli wa Bhabhilona.

Nehemiya 1:3

Se va to kha vona kwangu: Avale va nga sala, va nga mbi tekwa ve yiswa wukhumbini, va nga aka ditikoni mule, va ha kuxanisekani ka hombe ni kueyiswani, kambe diguma da Jerusalema di khundumusetwe, ni matimba a dona ma hisilwe ngu mndilo.

Ezra 4:19

Se ni rumile, va xote ve mana taku, ka timbimo ta kale, didhoropa dile di akilwe ngu kanu masoni ka vafumeli, se ka dona ka wuswa kulwa ni kutxhipisa.

Ezra 4:15

Ati to ku na xolwe ka dibhuku da matimu a vatate vako, emo ka dibhuku da matimu, u na tiziva konemo ti to didhoropa dile ndo akwa ngu kanu, do wukela vafumeli ni matiko a hombe a mndani ka ditiko, niku kuve ni kuwukelwa ka dona ka timbimo ta kale.

2 Vafumeli 24:1

Ka masiku a Jehoyakimi, ku to humelela Nabhukodhonozori, mfumeli wa Bhabhilona, e xoma yimbi yo wukela Jehoyakimu e mmaha khumbi yakwe mndani ka malembe mararu; msana keto a to phemberuka e m'wukela.

2 Vafumeli 18:20

(Ina hi nga mapswi a txisofu dwe onayo): U longile kuwulela kulwani kani? Se kona kuwa u themba txani, aku u pharelako kwangu kani?

Ezra 4:11

Mahungu a dipapilo dile va nga rumela ka mfumeli Aritasasta ngu awa: “Sithumi sako i ku vavamna va mtxhatuko ka mnambo, ngu mbimo ya kona.”

Esteri 3:8

Se Hamani a to khene ka mfumeli Asuwero: Ku ni vathu va nga hangalaka, ve abanela ngu matiko otshe a hombe, a mfumo wako, vathu vava milayo yawe yi hambanako ni milayo ya votshe vathu, va si londetiko milayo ya mfumeli; ngu kumaha keto, kha ti vhuni txilo ku mfumeli e va leka ve zumba.

Dhaniyeli 3:8

Se ka mbimo yoneyo, ku to tshuketa vavamna vokari va Vakaldheya ve ta mangalela Vajudha.

Nehemiya 6:6

Se ka dona ku ti bhatwe tiya: Ku pfate hagari ka vathu ni ka Geseni kuwombwa tito, awe ni Vajudha mi lava kumaha txigirimuka, nguko mi akako diguma; niku awe u ti maha mfumeli wawe, madingano ni kuwomba ka mapswiyo;