Ezra 4:11 - Bhiblia Yo Sawuleka

¹¹ Mahungu a dipapilo dile va nga rumela ka mfumeli Aritasasta ngu awa: “Sithumi sako i ku vavamna va mtxhatuko ka mnambo, ngu mbimo ya kona.”

Ezra 4:11 Referans Kwoze

Johani 4:9

Wamsikati wule wa Msamariya a to mu xamula a txi khene: “Ti nga mahisa kutxani awe u ku Mujudha kukombela mati kwangu ni ku Msamariya kani?” (Nguko Vajudha kha va tolovelani ni Vasamariya).

Ezra 4:10

ni vamwani vathu, va nga tekwa ngu wa hombe ni wa nduma, Osinapari, a txi ya va maha vazumbi va didhoropa da Samariya, ni vamwani va mtxhatuko ka mnambo, ka yona mbimo yile.

Ezra 4:12

Ti zive awe mfumeli taku Vajudha vale va nga khukha ngu kheyo kwako veta kwathu Jerusalema, se va aka ngu kanu didhoropa, ni kuwusa maguma a kona, ni kululamisa sitsaniso sa kona.

1 Vafumeli 21:8

Sekoko Jezabheli a to bhala mapapilo ngu ditina da Akabe, se a txi ma lema ngu txitambu txakwe, e rumela mapapilo ale ka madhota ni vahombe va nga ti ti ho didhoropani kwakwe, kambe va nga ti zumba ni Nabhote.

Ezra 3:3

Se va to tsanisa txiluvelo aha ka sitsikareto sa kona, nguko kuthava ku ti ti txitimwi kwawe, ngu mhaka ya vathu va matiko; kambe va to ningela kona miphaxo yo hiswa ka Mkoma, miphaxo yo hiswa mixo ni minova.

Ezra 5:6

Dipapilo da Tatenayi mfumeli wa mtxhatuko ka mnambo, ni Setari-Bhozenayi, ni vangana vawe, Vafarsaki, va nga ti ti mtxhatuko ka mnambo, va to di heleketa ka mfumeli Dhariyo.

Ezra 7:11

Dipapilo dile mfumeli Aritasasta a nga ninga mphaxeli Ezra, m'bhali wa mapswi, wa sirumo sa Mkoma, ni sileleto sakwe txitimwi ka Israyeli: